ინსტიტუციური ინვესტორები ბიტკოინებს მარკეტ-მეიკერების მეშვეობით ყიდულობენ

ინსტიტუციური ინვესტორები ბიტკოინებს მარკეტ-მეიკერების მეშვეობით ყიდულობენ

კორეული კომპანიის CryptoQuant-ის ანალიტიკოსების აზრით, ბაზრის არასტაბილურობას  მსხვილი ინვესტორების მიერ ბიტკოინების დაგროვება არ შეუფერხებია.

CryptoQuant-ის აღმასრულებელმა დირექტორმა კი იანგ ჯუმ (Ki Young Ju) Twitter-ზე პოსტების სერია გამოაქვეყნა, სადაც ამტკიცებს, რომ მიუხედავად გაცვლითი კურსის ცვალებადობისა, მსხვილმა ინვესტორებმა ბიტკოინის შეგროვების შესაძლებლობა იპოვეს.

CryptoQuant-ის ხელმძღვანელის თქმით, „სწორედ ახლა, ინსტიტუციური ინვესტორები ბიტკოინებს მარკეტ მეიკერების მეშვეობით ყიდულობენ.“

იანგ ჯუს განცხადებით კორპორატიულ ინვესტორებში ძალიან პოპულარულია მსხვილი კრიპტო ბირჟები.

მაგალითად,  7-10 მაისს, ინვესტორებმა კრიპტობირჟა Gemini -დან Binance-ის სავაჭრო პლატფორმაზე დაახლოებით 84,000 ბიტკოინი გაგზავნეს,  რითაც ისტორიულ მაქსიმუმს მიაღწიეს: 

CryptoQuant-ის ხელმძღვანელს მიაჩნია, რომ გამყიდველების მხრიდან ყველაზე დიდი ზეწოლა Coinbase-ზე მოდის, რადგან მათ Binance-დან ბიტკოინის ყველაზე დიდი  შემოდინება ჰქონდათ. BTC/USD სპოტ ვაჭრობის მოცულობამ Coinbase-ზე წლიურ მაქსიმუმს მიაღწია, Coinbase Premium-მა კი -3%-იან სამწლიან მინიმუმს.

იანგ ჯუმ დაამატა, რომ გასულ კვირას მარკეტ მეიკერებმა ბირჟებზე 2,5 მილიარდი დოლარის ღირებულების BTC გაგზავნეს.

მისი შეჯამებით, „მსხვილი ორგანიზაციები  ბიტკოინის ფასის 30,000$-ის ნიშნულზე გამყარებას ცდილობდნენ, თუმცა Luna Foundation Guard-ის (LFG) მოულოდნელი გაყიდვის გამო მათ 25,000$-ზე გაჩერება მოუწიათ.“

გასულ კვირას  CoinShares-ის მენეჯმენტის სპეციალისტებმა აღნიშნეს, რომ კრიპტოვალუტის ბაზარზე გლობალურმა ვარდნამ ბიტკოინში ინვესტიციების ზრდას  ხელი შეუწყო.