ფედერალურმა ბიურომ კრიპტო თაღლითებისგან 4300 ადამიანი გადაარჩინა

ფედერალურმა ბიურომ კრიპტო თაღლითებისგან 4300 ადამიანი გადაარჩინა

აშშ-ს გამოძიების ფედერალური ბიუროს ცნობით, გასული წლის იანვრიდან მიმდინარე წლის იანვრის ჩათვლით მათ კრიპტო თაღლითებისგან 4300 პოტენციური მსხვერპლის გადარჩენა შეძლეს. სამართალდამცავი ორგანოების დახმარებით, დაახლოებით 285 მილიონი აშშ დოლარის ზარალის აღკვეთა მოხერხდა.

FBI-ის მიერ ჩატარებული ოპერაცია სახელწოდებით Level Up პოტენციურ მსხვერპლთა იდენტიფიცირებასა და პირად სატელეფონო გასაუბრებას მოიცავდა. ერთ-ერთი ასეთი ზარის დროს, ადამიანმა, რომელიც კინაღამ კრიპტო თაღლითების ანკესს წამოეგო, თქვა, რომ მზად იყო გაურკვეველ საქმეში 1 მილიონი დოლარის ინვესტიცია განეხორციელებინა. სხვა ინვესტორი თავისი სახლის გაყიდვას და თაღლითებისთვის 500 000 დოლარის გადარიცხვას გეგმავდა, ხოლო ხანდაზმულ ქალბატონს საპენსიო ანგარიშიდან იგივე მიზნით თანხა უკვე გამოტანილი ჰქონდა. მას შემდეგ, რაც საქმეში FBI ჩაერია, მამაკაცებმა თავიანთი ფულის შენარჩუნება მოახერხეს, განაცხადა სააგენტომ.

FBI-ს კრიმინალური გამოძიების სამმართველოს დირექტორის მოადგილის თანაშემწის ჯეიმს ბარნაკლის (James Barnacle) განცხადებით, მსხვერპლთა უმეტესობას, რომლებსაც FBI დაუკავშირდა თაღლითობაზე წარმოდგენაც კი არ ჰქონდათ. ზოგი ბორიტმოქმედებთან იმდენად იყო ემოციურად მიჯაჭვული, რომ მათი ფსიქოლოგიური დახმარებისთვის ფედერალური ბიუროს სპეციალურ განყოფილებაში გადაყვანა მოუხდათ. ყოფილა ისეთი შემთხვევებიც, როცა FBI-მ დროული ჩარევით თვითმკვლელობების პრევენცია შეძლო.

2023 წელს ინტერნეტ დანაშაულის საჩივრების ცენტრმა (IC3) მიიღო შეტყობინებები იმ ადამიანებისგან, რომელთა თაღლითებისგან მიყენრებული ჯამური ზარალი 3,9 მილიარდ დოლარად შეფასდა.

„მსხვერპლს არწმუნებენ, რომ ინვესტიცია კრიპტოპტო პროექტში განახორციელონ და არნახულ მოგებას ჰპირდებიან. ქაღალდზე, ელექტრონულ აპლიკაციაში თუ ვებსაიტზე მსხვერპლს გასაოცარ შემოსავლებს აჩვენებენ და არწმუნებენ, რომ „მათი ფული მუშაობს“. თუმცა, ეს მაჩვენებელი ფიქტიურია და როდესაც დაზარალებულები ფულის გამოტანას ცდილობენ, მათ უარს ეუბნებიან. ზოგიერთი თაღლითი მსხვერპლს „მოგების“ გამოტანის შესაძლებლობას , ჯერ კიდევ ადრეულ ეტაპზე აძლევს. ეს ხალხის ნდობის მოსაპოვებლად და იმის წასახალისებლად კეთდება, რომ ხალხის ნდობა მოიპოვონ და პროექტში კიდევ უფრო მეტი ფულის ინვესტირება მოახდინონ.“- ამბობს ბარნაკლი.

ოქტომბერში FBI-მ გამოუშვა საკუთარი ტოკენი NexFundAI, რომელსაც ფინანსური ღირებულება არ აქვს. ტოკენი კრიპტოვალუტის ბაზარზე მომუშავე თაღლითებისთვის სატყუარა გახდა.