ჩილე ბიტკოინით გადახდის დაკანონებას განიხილავს

ჩილე ბიტკოინით გადახდის დაკანონებას განიხილავს

ჩილეს კანონმდებლები ბიტკოინის გადახდის ლეგალურ საშუალებად აღიარების შესახებ წინადადებას განიხილავენ. 

2021 წლის ნოემბრის დასაწყისში, დეპუტატმა კარიმ ბიანჩიმ (Karim Bianchi) ჩილეს სენატს წარუდგინა კანონპროექტი ბიტკოინის გადახდის საშუალებად და ჩილეს პესოს ტოლფასად აღიარებისა და რეგულირების შესახებ.

პოლიტიკოსი მიიჩნევს, რომ ახალი კანონი ქვეყნის ფინანსური სისტემის სამომავლო ცვლილებებისთვის სამართლებრივ საფუძველს შექმნის. 

კანონპროექტი რამდენიმე პუნქტისგან შედგება და ბიტკოინის, როგორც გადახდის საშუალების ბრუნვის რეგულირებას ითვალისწინებს.  

ბიტკოინის გაცვლითი კურსის განსაზღვრა თავისუფალი ბაზრის მექანიზმებით არის შეთავაზებული, ხოლო საცალო ფასების ბიტკოინებში და ჩილეურ პესოში.

ინიციატივა Blockchain Summit Latam-ისა და Blockchain Academy Chile-ის დამფუძნებელმა კრისტობალ პერეირამ (Cristobal Pereira) გააკრიტიკა.

ის მიიჩნევს, რომ კანონპროექტი საკმარისად არ არის დამუშავებული და მიზნად არა „ბიტკოინის გადახდის საშუალებად გამოყენების პროცედურის განსაზღვრას“, არამედ მის ჩილეს მთავრობის წევრებს შორის პოპულარიზაციას ისახავს.

მეორეს მხრივ, პერეირას აზრით, მეზობელ ბოლივიასთან შედარებით, სადაც მთავრობამ  კრიპტოვალუტების გამოყენება აკრძალა, „ეს შეიძლება პატარა წინგადადგმული ნაბიჯი იყოს “. პერეირას ეჭვი ეპარება, რომ პარლამენტარები  კანონპროექტს დაამტკიცებდენ, რადგან ასეთი გადაწყვეტილების მისაღებად არანაირი ეკონომიკური წინაპირობა არ არსებობს.

პერეირა აღნიშნავს, რომ „ჩილეს  საკმაოდ სტაბილური ეკონომიკა აქვს, აღიარებული ფინანსური ინსტიტუტებითა და ინფლაციის მისაღები დონით, ამიტომ ბიტკოინის საჭიროება არ არსებობს. 

განსხვავებით სალვადორისგან, რომელსაც საკუთარი ვალუტა არ გააჩნია ან ვენესუელასგან, სადაც ინფლაციის მსოფლიოში ყველაზე მაღალი დონე ფიქსირდება.

ამ ქვეყნებში პოლიტიკური და ფინანსური პირობები რეგიონის სხვა ქვეყნებისგან მკვეთრად განსხვავდება, ამიტომ სუსტი ეკონომიკის პირობებში ისინი იძულებულნი არიან კრიპტოვალუტებს მიმართონ.

სავარაუდოდ, ჩილე იაპონიის მაგალითს გაიზიარებს, სდაც ბიტკოინით გადახდა კანონიერ საფუძველზე ხდება. თუმცა, მთავრობას მისი ფიატურ ვალუტასთან გათანაბრების არანაირი სურვილი არ გააჩნია.

ჩილეს მთავრობა უკვე განიხილავს საკუთარი ცენტრალური ბანკის ციფრული ვალუტის (CBDC) გამოშვებას. ექსპერტების აზრით,  ცენტრალური ბანკის ინიციატივა ქვეყანაში უფრო მეტ პოლიტიკურ მხარდაჭერას მიიღებს, ვიდრე ბიტკოინის ბრუნვის რეგულირების წინადადება.