ბიტკოინი ფინანსური მონობის წინააღმდეგ ძლიერი იარაღია

ბიტკოინი ფინანსური მონობის წინააღმდეგ ძლიერი იარაღია

აშშ-ს პრეზიდენტობის დამოუკიდებელმა კანდიდატმა კრიპტო ენთუზიასტების გულის მოგების მიზნით, კრიპტოვალუტებს და კერძოდ ბიტკოინს, მთავრობის მხრიდან ძალაუფლების ბოროტად გამოყენებისა და ფინანსური მონობის წინააღმდეგ მნიშვნელოვანი ინსტრუმენტი უწოდა.

რობერტ კენედი უმცროსმა (Robert F. Kennedy Jr.) ETHDenver 2024-ის ღონისძიბაზე Custodia Bank-ის აღმასრულებელ დირექტორთან, კეიტლინ ლონგთან (Caitlin Long) საუბრისას კრიპტოვალუტის ტრანზაქციები გამოხატვის თავისუფლებასთან გააიგივა.

პოლიტიკოსი დარწმუნებულია, რომ კრიპტოვალუტების გარეშე ფინანსური დამოუკიდებლობა და თავისუფლება საფრთხეშია.

მან გაიხსენა სატვირთო მანქანების მძღოლების საპროტესტო მოძრაობა Freedom Convoy, რომელიც რამდენიმე წლის წინ COVID-19-ის პანდემიასთან დაკავშირებული შეზღუდვების გასაპროტესტებლად გაიმართა.

„იმ მომენტში გონებაში გამიელვა : თუ მთავრობას, რომელიც თქვენს ქმედებებს არ ეთანხმება, აქვს უფლება თქვენი საბანკო ანგარიში დახუროს, მაშინ მას იმის ძალაც შესწევს, რომ დაგამონოთ და შიმშილით მოგკლათ. სწორედ მაშინ დავიწყე კრიპტოვალუტებით დაინტერესება, რადგან კრიპტოაქტივებით ტრანზაქციები თავისუფლების გარანტიაა.“- თქვა კენედი უმცროსმა.

პრეზიდენტობის კანდიდატის თქმით, კრიპტოვალუტები, განსაკუთრებით კი ბიტკოინი, ინფლაციისგან საიმედო თავდაცვას წარმოადგენს. მისი თქმით, აშშ-ს ფედერალური რეზერვისა (Fed) და ბანკების ამჟამინდელი პოლიტიკა მხოლოდ მდიდარი ელიტის სასარგებლოდ მუშაობს. კენედი უმცროსი დარწმუნებულია, რომ ბიტკოინი საბანკო მონაპოლიისა და აშშ-ს ფედერალური რეზერვის გავლენისგან თავის დაღწევის საუკეთესო გზას წარმოადგენს.

ის მოქალაქეებს დაჰპირდა, რომ შეერთებული შტატების პრეზიდენტად მისი არჩევის შემთხვევაში, ქვეყანას ბლოკჩეინისა და კრიპტოვალუტების სფეროში ინოვაციების ცენტრად აქცევს.

„კრიპტოვალუტით განხორციელებული მცირე ტრანზაქციები არ უნდა იბეგრებოდეს. მაშინ თქვენ შეძლებთ კრიპტოვალუტის გამოყენებით შეიძინოთ ვაშლი, ლუდი ან მანქანა, შეძენის მომენტიდან ნივთის ღირებულების გადასახადის გადახდის გარეშე. და ეს მხოლოდ მცირედია იმისა, რის გაკეთებასაც ტრანზაქციების თავისუფლებისთვის ვაპირებ.“

წლის დასაწყისში, კენედი უმცროსი ამომრჩევლებს არჩევნებში გამარჯვების შემთხვევაში ციფრული დოლარის ამოქმედების აკრძალვას დაჰპირდა რათა ხელისუფლებამ CBDC-ის მეშვეობით მოქალაქეთა შესყიდვები არ აკონტროლოს.