ტრამპი არჩევნებში გამარჯვების შემთხვევაში Silk Road-ის დამფუძნებელს შეიწყალებს

ტრამპი არჩევნებში გამარჯვების შემთხვევაში Silk Road-ის დამფუძნებელს შეიწყალებს

აშშ-ს საპრეზიდენტო კანდიდატი დონალდ ტრამპი, ვაშინგტონში გამართულ შეხვედრაზე ამომრჩევლებს დაჰპირდა, რომ არჩევნებში გამარჯვების შემთხვევაში Silk Road-ის დამფუძნებელს როს ულბრიხტს შეიწყალებს, აშშ-ს კი კრიპტო ჰაბად აქცევს.

დონალდ ტრამპმა როს ულბრიხტის (Ross Ulbricht) შეწყალების განზრახვა ჯერ კიდევ 2020 წლის საარჩევნო კამპანიის დროს გააჟღერა. ის ამომრჩევლებს ამჯერადაც დაჰპირდა, რომ არჩევნებში გამარჯვების შემთხვევაში, ციფრული აქტივების ინდუსტრიის ყველა მოწინავე მიღწევა შეერთებულ შტატებთან იქნება დაკავშირებული.

„თუ ხმას მომცემთ, ჩემი აშშ-ს პრეზიდენტობის პირველივე დღეს როს ულბრიხტს სასჯელს შევუმსუბუქებ.“ – განაცხადა ტრამპმა.

ამომრჩევლები მის სიტყვებს ბანერებით „გაათავისუფლე როსი“ და აპლოდისმენტებით შეხვდნენ. ტრამპის განცხადების პარალელურად, ამავე სახელწოდების ვებსაიტზე, რომელიც კამპანიისთვის „თავისუფლება როსის“ ხელმოწერების შესაგროვებლად შეიქმნა, როს ულბრიხტის სახელით დონალდ ტრამპისადმი მიმართული მადლობის წერილი გამოქვეყნდა.

როს ულბრიხტი უვადო პატიმრობას პირობით ვადამდე გათავისუფლების შესაძლებლობის გარეშე იხდის. ის 2013 წელს პლატფორმა Silk Road-ის შექმნისთვის დააკავეს, რომელიც აკრძალული პრეპარატებით კრიპტოვალუტაზე ვაჭრობას ახორციელებდა. როს ულბრიხტს ორგზის უვადო პატიმრობა მიესაჯა.

მანამდე, აშშ-ს ყოფილი პრეზიდენტის და რესპუბლიკური პარტიის კანდიდატის დონალდ ტრამპის საარჩევნო შტაბმა ამომრჩევლებს საარჩევნო კამპანიისთვის კრიპტო აქტივებში შემოწირულობების შეგროვების დაწყების შესახებ აცნობა