კრიპტო-დანაშაულების 70% დიპფეიკების გამოყენებით არის ჩადენილი
კრიპტოვალუტის ბირჟა Bitget-ის ანალიტიკოსების კვლევის შედეგების მიხედვით, 2022 წლის დასაწყისიდან კრიპტოვალუტებთან დაკავშირებული დიპფეიკების რაოდენობა მკვეთრად გაიზარდა, რამაც 79,1 მილიარდ დოლარზე მეტი ღირებულების ციფრული აქტივების ზარალი უკვე გამოიწვია.
გასულ წელთან შედარებით, 2024-ში ცნობადი სახეების გამოსახულებათა გამოყენებით შექმნილ თაღლითურ ვიდეოთა რაოდენობა 245%-ით გაიზარდა.
Bitget Research-ის მკვლევარები ვარაუდობენ, რომ წლის ბოლომდე თაღლითობის შედეგად გამოწვეული კრიპტოვალუტის ზარალი 25,13 მილიარდ დოლარს მიაღწევს, ხოლო 2025 წლისთვის კვარტალური ზარალი 10 მილიარდ დოლარამდე გაიზრდება.
კრიპტობირჟის სპეციალისტები შიშობენ, რომ 2026 წლის დასაწყისისთვის დიპფეიკების მეშვეობით ჩადენილ დანაშაულებათა რაოდენობა შესაძლოა 70%-ით გაიზარდოს.
კვლევის ავტორების თქმით, ბოროტმოქმედები ძირითადად სოციალური ინჟინერიისა და ბოტების გამოყენებას ამჯობინებენ. თაღლითები ასევე აქტიურად იყენებენ ხელოვნური ინტელექტის განვითარების სიახლეებს, ქცევითი მოდელების ამოცნობის, ხმის და სახის ჩანაცვლებისა და ალგორითმების სფეროში მანქანური სწავლების ტექნოლოგიებს.
ამ მეთოდების გამოყენებით, ბოროტმოქმედს პერსონალური ინფორმაციის მითვისება და თავის სხვა პიროვნებად წარმოჩენა შეუძლია.
2024 წლის პირველ კვარტალში სოციალურმა ინჟინერიამ და ბოტთა თაღლითობამ დიპფეიკებთან დაკავშირებულ თაღლითობათა 14,21% შეადგინა. ხოლო ზარალი 2,03 მილიარდ დოლარად შეფასდა.
„დიპფეიკები კრიპტო ინდუსტრიაში სწრაფად იჭრებიან და ჩვენ ამის შეჩერება საზოგადოების ცნობიერების ამაღლებით შეგვიძლია. სიფხიზლე თაღლითობისგან ყველაზე ეფექტურ დაცვას მანამ წარმოადგენს, სანამ საერთაშორისო დონეზე კიბერკრიმინალებთან ბრძოლის ყოვლისმომცველი სამართლებრივი სისტემა არ გვექნება.“ – აღნიშნა Bitget-ის აღმასრულებელმა დირექტორმა გრეისი ჩენმა (Gracy Chen).
- გამოგვეყვით ტელეგრამზე t.me/cryptonewsgeorgia
- დაემატეთ ჩვენს ჯგუფში Fb.me/groups/cryptonewsgeorgia
Comments (No)