სალვადორი ბიტკოინის ყოველდღიურ შესყიდვებს აგრძელებს

სალვადორი ბიტკოინის ყოველდღიურ შესყიდვებს აგრძელებს

სალვადორის მთავრობა ბიტკოინის სახელმწიფო მარაგების შევსებას და ყოველდღე თითო მონეტის ყიდვას განაგრძობს. მთავრობა ასევე კერძო საინვესტიციო ბანკის შექმნას განიხილავს, რომელიც BTC-სა და აშშ დოლარში ტრანზაქციების გამარტივებას შეუწყობს ხელს.

პირველი კრიპტოვალუტის გაზრდილ ვოლატილობასა და BTC-ის გაყიდვის მსურველთა მხრიდან მზარდ ზეწოლას სალვადორის ხელისუფლების პოზიციაზე გავლენა არ მოუხდენია.

მარტში სალვადორის პრეზიდენტმა ნაიბ ბუკელემ (Nayib Bukele) განაცხადა, რომ სალვადორი ბიტკოინის ყოველდღე შეძენას მანამ განაგრძობს, სანამ მისი ტრადიციული ფულით ყიდვის შესაძლებლობა იქნება. ქვეყნის ხელისუფლებამ ბიტკოინის სახელმწიფო რეზერვების აკომულირება ქვეყნის ტერიტორიაზე არსებულ ფიზიკურ სანახში სპეციალურ ცივ საფულეში გადაწყვიტა.

BitInfoCharts-ის მონაცემებით, მარტის შუა რიცხვებიდან დღემდე სალვადორის მთავრობის მიერ კონტროლირებად ცივ საფულეში 5800 BTC ( ამჟამინდელი ფასით დაახლოებით 334 მილიონი დოლარი) დაგროვდა.

პარალელურად, სალვადორის მთავრობამ საბანკო სექტორის რეფორმაზე მუშაობა განაგრძო, რომელიც მომხმარებლებს ბიტკოინითა და აშშ დოლარით ტრანზაქციების განხორციელების შესაძლებლობას მისცემს.

მანამდე სალვადორის მედიამ გამოაცხადა, რომ ბიტკოინ-სითის პირველი მოქალაქე ამერიკელი კორბინ კიგანი (Corbin Keegan), შეერთებულ შტატებში მას შემდეგ დაბრუნდა, რაც სალვადორის პრეზიდენტის მიერ დადებული მომავლის ქალაქის აშენების პირობა 2 წლის მანძილზე არ შესრულდა.