ჩრდილოეთ კორეამ გლობალურ კრიპტო ინდუსტრიაში შეაღწია

ჩრდილოეთ კორეამ გლობალურ კრიპტო ინდუსტრიაში შეაღწია

CoinDesk-ის ჟურნალისტურმა გამოძიებამ ამერიკული კრიპტო კომპანიების მიერ ჩრდილოეთ კორეის სახალხო რესპუბლიკის მოქალაქე IT სპეციალისტების გაუცნობიერებლად დასაქმების ათეულობით შემთხვევა გამოავლინა.

საუბარია ბლოკჩეინ პროექტებზე: Injective, ZeroLend, Fantom, Sushi, Yearn Finance და Cosmos Hub.

ჩრდილოეთ კორეის წინააღმდეგ აშშ-ს პირველი ეკონომიკური სანქციები 1950 წელს სამხრეთ კორეაში შეჭრის გამო იქნა შემოღებული. მას შემდეგ, შეზღუდვების სია მხოლოდ გაფართოვდა. ახლა შეერთებულ შტატებში და მთელ რიგ ქვეყნებში, რომლებიც სანქციებს შეუერთდნენ, ჩრდილოეთ კორეიდან თანამშრომლების დაქირავება აკრძალულია.

თუმცა, როგორც CoinDesk-მა შეიტყო, ჩრდილო კორეელი IT სპეციალისტები უმეტესად სამხრეთ-აღმოსავლეთ აზიის ქვეყნების ყალბ პირადობის მოწმობებს იყენებდნენ.

ისინი წარმატბით გადიოდნენ გასაუბრებას, ასრულებდნენ სატესტო დავალებებს, ასევე წარადგენდნენ რეკომენდაციებსა და სამუშაო ისტორიას. ეს მათ მსხვილ ამერიკულ კრიპტოპროექტებში უსაფრთხოების შემოწმებების გარეშე დასაქმების შესაძლებლობას აძლევდა.

ბლოკჩეინის კომპანიების Truflation-ისა და Cosmos Hub-ის ხელმძღვანელებმა CoinDesk-ს განუცხადეს, რომ ჩრდილო კორეელ IT სპეციალისტებს აქვთ პროფესიული მომზადების მაღალი დონე, რაც მათ საშუალებას აძლევს წარმატებით გაიარონ HR წინასწარი შერჩევის ეტაპები და მომავალ დამსაქმებელთან პირდაპირ გასაუბრებაზე წავიდნენ.

„არსებობს შესაძლებლობა იმისა, რომ კრიპტო ინდუსტრიაში დასაქმების მსურველთა 50%-ზე მეტს ჩრდილო კორეელები შეადგენენ.“ – განაცხადა ბლოკჩეინის დეველოპერმა და Interchain Asset Association-ის პარტნიორმა ზაკი მანიანმა (Zaki Manian).

CoinDesk-ის ცნობით, ჩრდილოეთ კორეელი თანამშრომლები კოლეგებისგან არაფრით გამოირჩეოდნენ და დაკისრებულ სამუშაოს თავს წარმატებით ართმევდნენ, რის გამოც დამსაქმებლებს ეჭვის საფუძველი არ გასჩენიათ.