Santiment-ის ანალიტიკოსებმა შესაძენად სამი საუკეთესო ალტკოინი დაასახელეს
კრიპტოვალუტის ბაზრის კორექტირების ფონზე, რა დროსაც Ethereum და სხვა ძირითადი ალტკოინები გასულ კვირას 10-15%-ით დაეცა, Santiment-ის ანალიტიკოსებმა სამი ყველაზე პერსპექტიული კრიპტო აქტივი დაასახელეს.
Santiment-ის მიხედვით, პირველი მათგანი კომპანია Ripple-ის კრიპტოვალუტა XRP-ია. ამ მონეტის კურსის ზრდა შესაძლოა ინსტიტუციური ინვესტორების მხრიდან მაღალი ინტერესით იყოს გამოწვეული. ამ კვირაში კომპანიამ Bitwise აშშ-ს ფასიანი ქაღალდებისა და ბირჟების კომისიაში (SEC), XRP-თან დაკავშირებული გაცვლითი სავაჭრო ფონდის (ETF) გაშვებასთან დაკავშირებით განაცხადი შეიტანა.
Santiment-ის პროგნოზით, მეორე პერსპექტიული კრიპტოვალუტა, რომელიც „რალისთვის“ ემზადება, Aptos-ია. Aptos Labs-მა კომპანიის იაპონიის ბაზარზე გაფართოებასთან დაკავშირებით, სერვისი HashPalette შეიძინა.
იაპონიაში ფართოდ გავრცელებული ბლოკჩეინის სერვისის დანერგვით, Aptos განვითარების ტემპის აჩქარებას გეგმავს. დღის განმავლობაში, APT-ის კურსი 5%-ით გაიზარდა და კრიპტოაქტივის ფასი ამჟამად 8,85 დოლარს შეადგენს.
Santiment-ის წარმომადგენლების თქმით, ოპტიმისტური პერსპექტივის მქონე მესამე ალტკოინი არის Chainlink (LINK). გასულ წელს, ორაკულების პროვაიდერმა კომპაია Chainlink-მა ტრადიციული ფინანსური (TradFi) ინსტიტუტების სხვადასხვა ბლოკჩეინთან დაკავშირების მიზნით, ბანკთაშორისი საგადახდო სისტემა SWIFT-თან თანამშრომლობის შესახებ გამოაცხადა. დღის განმავლობაში LINK-ის კურსი 4%-ით 11 დოლარამდე გაიზარდა.
ივნისში ინვესტორების ყურადღება კრიპტოვალუტის ანალიტიკოსმა მაიკლ ვან დე პოპმაც (Michaël van de Poppe) მიიპყრო. მან ინვესტორებს დაბალ ფასად რამდენიმე ალტკოინის შეძენის რეკომენდაცია მისცა. ტრეიდერის თქმით, ყველაზე მომგებიანი კრიპტოვალუტები შესაძლოა იყოს Optimism (OP), Arbitrum (ARB), WO Network (WO), Wormhole (WORM) და DOGE.
- გამოგვეყვით ტელეგრამზე t.me/cryptonewsgeorgia
- დაემატეთ ჩვენს ჯგუფში Fb.me/groups/cryptonewsgeorgia
Comments (No)