კრიპტოვალუტებთან დაკავშირებით სენატში ტრამპის იმპიჩმენტს მოითხოვენ
დემოკრატმა სენატორმა ჯონ ოსოფმა სენატში გამოსვლისას აშშ-ის პრეზიდენტი და მისი ოჯახის წევრები პირადი ფინანსური სარგებლის მიღების მიზნით ძალაუფლების ბოროტად გამოყენებაში დაადანაშაულა და ტრამპის იმპიჩმენტი მოითხოვა.
ოსოფმა ხაზგასმით აღნიშნა, რომ ასეთი ქმედებები კორუფციის რისკებს ზრდის, ხოლო ტოკენ ტრანზაქციებში სათანადო გამჭვირვალობის არარსებობა ფინანსური სანქციების გვერდის ასავლელად მათი გამოყენების პოტენციურ შესაძლებლობაზე მიუთითებს. ის იზიარებს დემოკრატი კოლეგების აზრს, რომ ტოკენების ბოროტად გამოყენების შეჩერების ერთადერთი გზა ტრამპის იმპიჩმენტია. თუმცა, ასეთი შედეგი ნაკლებად სავარაუდოა, რადგან წარმომადგენელთა პალატაში რესპუბლიკურ პარტიას უმრავლესობა აქვს.
ოსოფი პირველი არ არის, ვინც ტრამპის ოჯახის კრიპტო ინიციატივები დაგმო. ცოტა ხნით ადრე, აშშ-ს პრეზიდენტის ტოკენი TRUMP სენატორმა ელიზაბეტ უორენმა (Elizabeth Warren) გააკრიტიკა. მან ტოკენებს „საიდუმლო სქემა“ უწოდა, რომელიც პრეზიდენტის სახელს ინვესტორების მოსაზიდად იყენებს. კონგრესმენმა ალექსანდრ გრინმაც (Alexander Green) მხარი დაუჭირა გამოძიებას და განაცხადა, რომ ასეთი ქმედებები კონგრესის ყურადღებას მოითხოვს.
დემოკრატების მხრიდან კრიტიკა მას შემდეგ გაძლიერდა, რაც 2025 წლის დასაწყისში გამოშვებულმა ტოკენმა TRUMP მნიშვნელოვანი ინვესტიციები მიიზიდა, რამაც კრიპტო ბაზრით მანიპულირების ეჭვები გააჩინა.
- გამოგვეყვით ტელეგრამზე t.me/cryptonewsgeorgia
- დაემატეთ ჩვენს ჯგუფში Fb.me/groups/cryptonewsgeorgia
Comments (No)