დეცენტრალიზირებული პროტოკოლის Celo-ს დევლოპერები სთეიბლკოინის cEUR-ს გამოშვებას გეგმავენ, რომელიც ევროსთან მიბმული ციფრული აქტივების კალათით იქნება უზრუნველყოფილი. გამოშვება 2021 წლის მარტისთვის არის დაგეგმილი.
ამის შესახებ ფირმა cLabs – ის პარტნიორმა, მარეკ ოლშევსკიმ განაცხადა, რომელიც მონაწილეობას იღებდა პროექტის შემუშავებაში. პროექტი ჯერ კიდევ ტესტირების სტადიაზეა, ის დღის სინათლეს რამდენიმე თვეში იხილავს.
წინა წელს Celo – ს პლატფორმამ სტაბილური კრიპტოვალუტა cUSD წარადგინა, რომლის გამოყენება მობილური მოწყობილობებეთ გადახდების განხორცელებისთვის არის შესაძლებელი. CoinMarketCap-ის მიხედვით, დღეის მონაცემებით Celo Dollar უტოლდება 1$-ს, მისი საბაზრო კაპიტალიზაცია კი 28.7 მილიონ დოლარზე მეტს შეადგენს.
ოლშევსკის თქმით, სთეიბლკოინი ევროსთან მიბმული ციფრული აქტივების კალათით იქნება უზრუნველყოფილი. მათი კორექტირება ალგორითმულად მოხდება იმისთვის, რომ cEUR – ს ფასი მიბმულ ვალუტასთან რაც შეიძლება ახლოს იყოს. cLabs – ის წარმომადგენელმა აღნიშნა, რომ კრიპტოაქტივების მრავალფეროვანი ნაკრების არსებობა სტაბილურობას უწყობს ხელს, რის გამოც სხვა სახის აქტივების შექმნისა და დამატების შესაძლებლობებს განიხილავენ.
შეგახსენებთ, რომ Celo – მ ძირითადი ქსელი გასული წლის მაისში ჩაუშვა. პროტოკოლს უკვე იყენებენ Anchorage, Ramp, Coinbase Ventures, Ledger და Blockchain.com. Celo – ს დეველოპერებმა ფიატურ ვალუტებთან მიბმული სტეიბლკოინების შექმნა იმისთვის დაიწყეს, რომ ფინანსური მომსახურება უფრო ხელმისაწვდომი გამხდარიყო. ამ იდეას ბევრი მსგავსება აქვს Facebook – ის Libra – ს მონეტის კონცეფციასთან.
Libra – ს განახლებული ტექნიკური დოკუმენტის თანახმად, LBR – ის კურსი განისაზღვრება სხვადასხვა სახელწიფო ვალუტებთან მიბმული სთეიბლკოინების კალათის საფუძველზე. თუმცა, მოგვიანებით Libra Association – ის ხელმძღვანელობამ განაცხადა, რომ აღარ გამოუშვებს მულტივალუტურ სთეიბლკოინს – ჯერ იგეგმება სტაბილური კრიპტოვალუტების შექმნა, რომელთაგან თითოეული განსაზღვრული ვალუტით იქნება უზრუნველყოფილი.
წყარო: https://bits.media/
- გამოგვეყვით ტელეგრამზე t.me/cryptonewsgeorgia
- დაემატეთ ჩვენს ჯგუფში Fb.me/groups/cryptonewsgeorgia
Comments (No)