საჰაერო ტრანსპორტის საერთაშორისო ასოციაცია (IATA) ბლოკჩეინზე ადამიანის ჯანმრთელობის, COVID-19 ზე ტესტირების და ვაქცინაციის შესახებ ინფორმაციის შემცველ პასპორტებს გამოუშვებს.
საჰაერო ტრანსპორტის საერთაშორისო ასოციაციის განცხადების თანახმად, ბლოკჩეინზე პასპორტების შემოღებამ შესაძლოა კვლავ განაახლოს საერთაშორისო მიმოსვლა და შეასუსტოს მიმდინარე საკარანტინე შეზღუდვები. „სამედიცინო პასპორტი“ შენახული იქნება მომხმარებლის სმარტფონში აპლიკაციის სახით. პასპორტის პირველი რეალური ტესტირება თებერვალში იგეგმება.
IATA Travel Pass მოგზაურებს პირად მონაცემებზე სრულ კონტროლს შესთავაზებს. აპლიკაცია ასევე შეასრულებს ორმხრივი კავშირის ინსტრუმენტის როლს, რომელიც ინფორმაციას შესაბამის მარეგულირებლებს, ვაქცინაციის ცენტრებსა და ავიაკომპანიებს გადასცემს. მოცემულ მომენტში პროგრამას ოთხი მსხვილი ავიაკომპანია შეუერთდა. Singapore Airlines და British Airways პირველი ეტაპის გამოცდას თებერვალში გეგმავენ. Etihad და Emirates კი ტესტირების მონაწილეები აპრილში გახდებიან.
IATA-ს ხელმძღვანელმა აეროპორტების პროდუქტების, მგზავრებისა და უსაფრთხოების საკითხებში ალან მიურეი ჰაიდენმა მაღალი შეფასება მისცა ბლოკჩეინის სქემის გამოყენებას. მისი თქმით, ეს ტექნოლოგიების თვალსაჩინოდ დადებითი ეფექტისთვის გამოყენების ერთ-ერთი ნათელი მაგალითია:
„ესაა ჩვენ მიერ გამოყენებული ტექნოლოგიის ხიბლი. იგი მგზავრს სრულ კონტროლს აძლევს საკუთარ მონაცემებზე. ცენტრალური მონაცემთა ბაზა არ არსებობს და არავის შეუძლია მისი გატეხვა. მგზავრი თავად ფლობს საკუთარ მონაცემებს და უზიარებს მათ ავიაკომპანიას. ალბათ, ეს ბლოკჩეინის გამოყენების ერთ-ერთი პირველი მაგალითია, როდესაც მას ადამიანებისთვის სარგებელი ამხელა მასშტაბით მოაქვს.“
Travel Pass შეითავსებს ოთხ ძირითად ინტერაქტიულ კომპონენტს: ციფრული პასპორტის მოდულს, Lab აპლიკაციას, რომელიც მონაცემების უსაფრთხოდ გადაგზავნის საშუალებას იძლევა, ვაქცინაციის გლობალურ რეესტრსა და საერთაშორისო მგზავრებისთვის სავალდებულო სამედიცინო მოთხოვნების გლობალურ რეესტრს.
პირველი ციფრული პასპორტით სარგებლობა აბუ-დაბიში, ავიაკომპანია Etihad-ის მგზავრებს 2021 წლის პირველ კვარტალში შეეძლებათ.
შეგახსენებთ, რომ გასული წლის მაისში სამი ევროპული ავიაკომპანია გაერთიანდა ბლოკჩეინზე „COVID-19 – ის ჯანმრთელობის პასპორტის“ შემუშავებისთვის, რაც მთავრობებს დაეხმარება მოსახლეობაში ვირუსზე იმუნიტეტის არსებობა გააკონტროლოს.
წყარო: https://bits.media
- გამოგვეყვით ტელეგრამზე t.me/cryptonewsgeorgia
- დაემატეთ ჩვენს ჯგუფში Fb.me/groups/cryptonewsgeorgia
Comments (No)