ელექტრო სიგარეტებისა და ვეიპინგისთვის განკუთვნილი პროდუქციის მწარმოებელი PuffBar ბლოკჩეინზე Vechain-ს გამოიყენებს პროდუქციის გაყალბებასთან საბრძოლველად. ასევე შესაძლებელს გახდის ბიტკოინითა და ეთერიუმით ანგარიშსწორებას.
PuffBar-ს კომპანია Cool Clouds Distribution აკონტროლებს, რომელიც 2019 წელს დაფუძნდა და ლოს-ანჯელესში დარეგისტრირდა. Cool Clouds-მა აშშ-ში პროდუქციის რეალიზაცია მას მერე შეაჩერა, რაც შეერთებული შტატების სურსათისა და მედიკამენტების ხარისხის კონტროლის სააგენტომ (FDA) აკრძალა არომატიზირებული ელექტრო სიგარეტის გაყიდვა.
აკრძალვის მიზეზი გახდა პროდუქტის პოპულარობის გაზრდა ბავშვებსა და მოზარდებში. PuffBar-ის ხელმძღვანელობამ განაცხადა, რომ 2020 წლის ივნისში ფირმამ გაყიდვიდან ამოიღო ვეიპები, რის მერეც ბაზარი გაივსო ყალბი პროდუქციით. მიუხედავად მომხმარებლების გაფრთხილებისა, არ გადავიდნენ ყალბი პროდუქციით მოვაჭრე საიტებზე, თაღლითების შეჩერება რთულია.
ფირმა მივიდა დასკვნამდე, რომ სიტუაციის გამოსასწორებლად ერთადერთი გამოსავალი ბლოკჩეინია. მწარმოებელი გამოიყენებს Vechain-ის ტექნოლოგიას, რომ მყიდველმა შეძლოს ვეიპების ნამდვილობის შემოწმება მაშინ, როცა პროდუქტი კვლავ დაუბრუნდება მაღაზიების დახლებს. PuffBar ყალბ პროდუქციასთან საბრძოლველად ასევე ითანამშრომლებს ფრანგულ ფირმასთან Cypheme. Cypheme საფირმო მელნით სპეციალურ ნიშნებს დაამზადებს, რომლებსაც პროდუქტებზე დააკრავენ.
პროდუქციაზე ყველა სახის ინფორმაცია ბლოკჩეინზე იქნება შენახული. შენაძენის გაკეთებისას მომხმარებელი შეძლებს მობილური ტელეფონით ფოტო გადაუღოს სტიკერს. Vechain შესაძლებელს გახდის 5 წამის განმავლობაში სტიკერზე აღმოჩენილ იქნეს უმცირესი მიკროდეფექტიც კი, რომელიც არ ჩანს შეუიარაღებელი თვალით. ასე შემოწმდება პროდუქტის ნამდვილობა. PuffBar-ის ხელმძღვანელობის განცხადებით, ამ ინიციატივას აშშ-ში უახლოეს რამდენიმე კვირაში განახორციელებენ.
„ბლოკჩეინის გამოყენება ფულის დაზოგვის საშუალებას მოგვცემს – ჩვენ შემოსავალს იმის გამო ვკარგავთ, რომ ხალხი ყალბ პროდუქტს ყიდულობს. ბლოკჩეინი ასევე დაგვეხმარება დავამტკიცოთ ჩვენი უდანაშაულობა ყალბი პროდუქციით დაზარალებულ მომხმარებლებთან სასამართლო დავებში.“
ბლოკჩეინი სულ უფრო ხშირად გამოიყენება საქონლის ხარისხისა და ნამდვილობის დასადგენად. გასულ წელს ამერიკულმა საცალო გაყიდვების ქსელმა Walmart, IBM ტექნოლოგიის გამოყენება ინდური კრევეტების მიწოდების ჯაჭვის თვალის სადევნებლად დაიწყო. საბითუმო გიგანტი Carrefour კი ბლოკჩეინს რძის წარმომავლობის გასაკონტროლებლად იყენებს.
წყარო: https://bits.media/
- გამოგვეყვით ტელეგრამზე t.me/cryptonewsgeorgia
- დაემატეთ ჩვენს ჯგუფში Fb.me/groups/cryptonewsgeorgia
Comments (No)