კომპანია CoinShares-ის მონაცემებით, თებერვლის პირველ კვირაში ინსტიტუციონალური ინვესტორების მიერ კრიპტოვალუტაში 245 მილიონი დოლარის ინვესტიცია ჩაიდო. აქედან 80% ეთერიუმზე მოდის.
CoinShares-ის ანალიტიკოსები აღნიშნავენ, რომ ეთერიუმი ყველაზე პოპულარული აქტივი გახდა დაბანდებისთვის ინსტიტუციონალურ ინვესტორებს შორის. ამასთან, ეთერიუმის ფიუჩერსების გაშვება CME-ის ბირჟაზე მხოლოდ 8 თებერვალს დაიწყო. ბიტკოინში ინვესტიციამ პირველ კვირას 41.9 მილიონი შეადგინა, თუმცა წლის დასაწყისიდან ინსტიტუციონალურმა ინვესტორებმა პირველ კრიპტოვალუტაში სულ 2.02 მილიარდი დააბანდეს.
მკვლევარები მიიჩნევენ, რომ მსხვილი ინვესტორები საკუთარი კრიპტოვალუტის პორტფელების დივერსიფიკაციას იწყებენ და თანხების ნაწილი ბიტკოინიდან ეთერიუმში და სხვა კრიპტოვალუტებში გადააქვთ:
„ჩვენ ვფიქრობთ, რომ ინვესტორები, რომლებსაც დივერსიფიკაცია სურთ, უფრო კომფორტულად გრძნობენ თავს ეთერიუმში დაბანდებით. ბიტკოინში თანხების მოდინება თანდათან მცირდება.“
წელს კრიპტოვალუტებში უკვე ჩაიდო 2.6 მილიარდი. მაშინ როცა 2020 წელს, მთელი წლის განმავლობაში ინსტიტუციონალურმა ინვესტორებმა კრიპტოვალუტებში სულ 6.7 მილიარდი დააბანდეს.
ციფრული აქტივების მართვის უმსხვილეს ფირმად კვლავაც Grayscale Investments რჩება. კომპანიის მიერ მართული ციფრული აქტივების მოცულობა 33.4 მილიარდს აჭარბებს. Grayscale Ethereum Trust-ში ინვესტიციების რაოდენობა ზრდას განაგრძობს და ამჟამად ფონდის კაპიტალიზაცია 5.1 მილიარდ დოლარს შეადგენს.
შეგახსენებთ, რომ 8 თებერვლის საღამოს კრიპტოვალუტის ბაზრის საერთო კაპიტალიზაციამ პირველად გადააჭარბა 1.3 ტრილიონს.
წყარო: https://bits.media/
- გამოგვეყვით ტელეგრამზე t.me/cryptonewsgeorgia
- დაემატეთ ჩვენს ჯგუფში Fb.me/groups/cryptonewsgeorgia
Comments (No)