ევროპის ცენტრალური ბანკის პრეზიდენტი, კრისტინ ლაგარდი (Christine Lagarde) ამბობს, რომ საერთოდ არ განიხილავს ბიტკოინს როგორც ვალუტას, მითუმეტეს როგორც მსოფლიოს სარეზერვო ვალუტას.
გამომცემლობა The Economist-ის მიერ მოწყობილ პრესკონფერენციაზე, ლაგარდმა ხაზი გაუსვა, რომ ახლო მომავალში ნაკლებ სავარაუდოა ცენტრალურმა ბანკებმა ბიტკოინი სარეზერვო ვალუტის რანგში შეიძინონ:
„ეს ნაკლებ სავარაუდოა. იმდენად, რომ ამაზე ლაპარაკიც კი არ ღირს.“
იანვარში ლაგარდმა განაცხადა, რომ ბიტკოინი უაღრესი სპეკულაციის ინსტრუმენტს წარმოადგენს და ხშირად გამოიყენება ფულის გათეთრებისთვის. ამასთან, ის არ უარყოფს ციფრული ვალუტების უპირატესობებს, განსაკუთრებით პანდემიის პირობებში.
ცენტრალური ევროპული ბანკის დირექტორმა აღნიშნა, რომ პანდემიამ გაზარდა ციფრულ ვალუტებზე მოთხოვნა. მან ასევე აღნიშნა, რომ ციფრული ევროს გამოშვება უახლოესი ოთხი წლის განმავლობაში მოხდება.
ციფრული ევროს შემუშავების პროცესი ახლაც მიმდინარეობს. დეკემბერში ევროპული ციფრული ვალუტის ტესტირების შესახებ საფრანგეთის ბანკმა და იტალიის რამდენიმე ბანკმა გამოაცხადა.
წყარო: https://bits.media
- გამოგვეყვით ტელეგრამზე t.me/cryptonewsgeorgia
- დაემატეთ ჩვენს ჯგუფში Fb.me/groups/cryptonewsgeorgia
Comments (No)