ამერიკულმა კომპანიამ MicroStrategy 328 BTC-ის შეძენიდან რამდენიმე დღეში კიდევ 205 BTC შეიძინა, იმის მიუხედავად, რომ თავად კომპანიის აქციების კურსი თითქმის ორჯერ შემცირდა.
MicroStrategy-ს აღმასრულებელმა დირექტორმა მაიკლ სეილორმა(Michael Saylor) განაცხადა, რომ ბიტკოინების შეძენა 48 888$-ის კურსით მოხდა. თუმცა, როგორც ჩანს ინვესტორები კარგავენ ნდობას კომპანიის მიმართ. თებერვალში კომპანიის აქციების ფასმა 1315$-ს რეკორდულ მაჩვენებელს მიაღწია. მარტის პირველი კვირის განმავლობაში კი ფასი 50%-ით დაეცა და თებერვლის მაქსიმუმიდან 645$-მდე ჩამოვიდა.
ამის მიუხედავად, კომპანიის ხელმძღვანელობამ მიიღო გადაწყვეტილება არა ბიტკოინების გაყიდვის, არამედ პირიქით, კრიპტოვალუტების მარაგის შევსების შესახებ. უკანასკნელი შენაძენის გათვალისწინებით, MicroStrategy ფლობს 91064 BTC-ს. ბიტკოინში კომპანიის მიერ ინვესტირებულმა თანხამ 2.19 მილიარდი დოლარი შეადგინა.
15 მილიონი დოლარის ღირებულების 328 BTC MicroStrategy-მ რამდენიმე დღის წინ იყიდა, კრიპტოვალუტების ბაზრის კორექტირების მიუხედავად. სეილორმა განაცხადა, რომ განაგრძობს ბიტკოინის შეძენას, დროდადრო მასში ჭარბი ნაღდი ფულის დაბანდებით. გარდა ამისა, კაპიტალის მოსაზიდად, საბაზრო პირობების გათვალისწინებით, კომპანიას ობლიგაციების და ფასიანი ქაღალდების გამოშვება შეუძლია. მიღებულ მოგებას MicroStrategy ბიტკოინში ჩადებს.
სეილორი ამბობს, რომ ადრე ის მსხვილი ტექნოლოგიური კომპანიების აქციებში აკეთებდა ინვესტირებას, თუმცა, ბიტკოინი მისთვის გაცილებით უფრო მიმზიდველი ჩანს.
წყარო: https://bits.media/
- გამოგვეყვით ტელეგრამზე t.me/cryptonewsgeorgia
- დაემატეთ ჩვენს ჯგუფში Fb.me/groups/cryptonewsgeorgia
Comments (No)