პროექტ DeFi100-ის დეველოპერები 32 მილიონით მიიმალნენ

პროექტ DeFi100-ის დეველოპერები 32 მილიონით მიიმალნენ

კრიპტოვალუტის ანალიტიკოსი CryptoWhale  Twitter-ის მეშვეობით Binance Smart Chain-ზე მოქმედი პროტოკოლის,
DeFi100-ის გუნდის თაღლითობის შესახებ ინფორმაციას ავრცელებს. მისი განცხადებით, დეველოპერებმა მომხმარებლების
32 მილიონი დოლარის კრიპტოაქტივები მიითვისეს და მიიმალნენ. თუმცა, საიდან დადგინდა ეს კონკრეტული ციფრი უცნობია.

ამ განცხადებიდან რამდენიმე საათით ადრე ვებ-გვერდზე DeFi100.org მომხმარებლებისთვის განკუთვნილი შეტყობინება გაჩნდა,
რომლის მიხედვით ისინი მოატყუეს და „ვერაფერს იზამდნენ.“გვერდი მალევე გაუქმდა.

CoinMarketCap-ის საიტზე ასევე გაჩნდა შეტყობინება, რომ პროექტი შესაძლოა თაღლითური ყოფილიყო.

პროექტის მუშაობის შეწყვეტაზე ინფორმაციის გავრცელების შემდეგ DeFi100-ის ტოკენის (D100) ფასი 25%-ით, 0.8$-მდე დაეცა. 

იმის გათვალისწინებით, რომ DeFi100-ის ხელმძღვანელობას საჯარო განცხადება არ გაუკეთებია, შესაძლოა პროექტის საიტი გაეტეხათ. თუმცა, არც ისაა გამორიცხული, რომ პროექტის გუნდს მომხმარებლების თანხები ნამდვილად მიეთვისებინათ.

გასულ კვირას ჰაკერების თავდასხმა Binance Smart Chain-ზე მოქმედ პროტოკოლ DeFi PancakeBunny-ზე მოხდა. ჰაკერებმა მყისიერი სესხების მეშვეობით 200 მილიონი დოლარის კრიპტოვალუტების მითვისება მოახერხეს. ჰაკერების მსხვერპლი გახდა ასევე პროექტი FinNexus. თავდასხმის შედეგად 7.4 მილიონი დოლარის ტოკენები იქნა გამოშვებული.

პროექტ DeFi100-ის დეველოპერები 32 მილიონით მიიმალნენ

წყარო: https://bits.media