Cardano Foundation მილიარდი მომხმარებლის მოზიდვას აპირებს

Cardano Foundation მილიარდი მომხმარებლის მოზიდვას აპირებს 

Cardano Foundation-ის აღმასრულებელმა დირექტორმა, ფრედერიკ გრეგარდმა (Frederik Gregaard) დეველოპერების ამბიციური გეგმები
გაასაჯაროვა. გეგმის თანახმად, 5 წლის განმავლობაში  Cardano-ს ბლოკჩეინზე განხორციელებულმა პროექტებმა მილიარდამდე მომხმარებელი უნდა მიიზიდონ.

 Cardano Foundation-ის გეგმის მიხედვით, 2024 წლისთვის Fortune 500-ის კომპანიების სიიდან მინიმუმ სამი კომპანია რეზერვებში ADA-ს შეინახავს და
ასევე გამოიყენებს ბლოკჩეინის შესაძლებლობებს. 2026 წლისთვის ასეთი კომპანიების რიცხვმა 10-ს უნდა მიაღწიოს.

ფრედერიკ გრეგარდის განცხადებით, ეკოსისტემის განვითარებისა და ახალი პროექტების გაჩენის წყალობით, უკვე ხუთი წლის შემდეგ ქსელი აპლიკაციების
მუშაობის მხარდაჭერას მილიარდამდე მომხმარებლისთვის შეძლებს. ამისათვის კიდევ სამი თეთრი წიგნის შექმნა და მისამართების რაოდენობის ზრდის სტიმულირება იგეგმება.

გარდა ამისა, 2026 წლისთვის Cardano-ს ქსელში Voltaire-ის ხანა უნდა დაიწყოს, რომელიც ბლოკჩეინს სრულიად დამოუკიდებელ სტრუქტურად გარდაქმნის.
Cardano-ს განვითარებას თავად მომხმარებლები წარმართავენ.

რაც შეეხება უფრო მოკლევადიან გეგმებს, გრეგარდის განცხადებით, კომპანია უახლოეს მომავალში სხვა ბლოკჩეინებთან ურთიერთქმედების შესაძლებლობების
განვითარებას გეგმავს. ასევე 2022 წლისთვის Cardano-ს შესაძლებლობებს 50-მდე ბანკი გამოიყენებს.

ამ მომენტისთვის Cardano არ ახდენს სმარტ კონტრაქტების მხარდაჭერას. ეს ფუნქცია მას სექტემბერში დაემატება, რისთვისაც მაისის ბოლოს დეველოპერებმა Alonzo-ს
სახელწოდებით პირველი სატეტო ვერსია აამოქმედეს.

წყარო: https://bits.media

Cardano Foundation მილიარდი მომხმარებლის მოზიდვას აპირებს