ბიტკოინი ეკონომიკური სტაბილურობისთვის საფრთხეს წარმოადგენს

ბიტკოინი ეკონომიკური სტაბილურობისთვის საფრთხეს წარმოადგენს

საერთაშორისო სავალუტო ფონდის ეკონომისტებმა ქვეყნები ბიტკოინის გადახდის საშუალებად შემოღების შემთხვევაში მაკროეკონომიკის
სტაბილურობისთვის შესაძლო რისკების შესახებ გააფრთხილეს. 

საერთაშორისო სავალუტო ფონდის ეკონომისტები, ტობიას ადრიანი (Tobias Adrian) და როდა უიკს ბრაუნი (Rhoda Weeks-Brown) ფონდის ბლოგზე
გამოქვეყნებულ სტატიაში აცხადებენ, რომ ბიტკოინის ფართოდ გამოყენებამ შესაძლოა მაკროეკონომიკის არასტაბილურობა გამოიწვიოს. მათი აზრით,
კომპანიებს კრიპტოვალუტების ინტეგრირებისთვის მნიშვნელოვანი რესურსების გაღება მოუწევთ, ნაცვლად იმისა, რომ უფრო პროდუქტიულ მიზნებზე
მოახდინონ კონცენტრირება. 

ექსპერტების აზრით, ბიტკოინის ეკონომიკაში დანერგვა, მისი მაღალი ვოლატილობის გამო ფასების მკვეთრ ცვალებადობას გამოიწვევს. ავტორები ასევე კ
რიპტოვალუტის ბაზარზე ფართოდ გავრცელებულ თაღლითობებსა და ფინანსურ დანაშაულზე საუბრობენ:

„შინამეურნეობებმა და საწარმოებმა კრიპტოვალუტების ფასის მკვეთრი ცვალებადობის, თაღლითობის ან კიბერშეტევების მიზეზით, შესაძლია თანხები
დაკარგონ. მიუხედავად იმისა, რომ ტექნოლოგია, რომელსაც კრიპტოაქტივები ეფუძნება ძალიან საიმედო გამოდგა, ტექნიკური ხარვეზები მაინც შეიძლება შეიქმნას. ბიტკოინის შემთხვევაში ასეთ დროს მსხვერპლი დახმარებისთვის ვერავის მიმართავს, რადგან კანონიერი ემიტენტი არ არსებობს.“

ეკონომისტები ბიტკოინისა და სხვა კრიპტოვალუტების ეკოლოგიურობის საკითხსაც შეეხნენ.

„კრიპტოაქტივები, მაგალითად ბიტკოინი, უამრავ ელექტროენერგიას საჭიროებენ იმ კომპიუტერული ქსელების კვებისთვის, რომლებიც ტრანზაქციებს ამოწმებენ. სახელმწიფო კრიპტოვალუტების შემოღებამ  შესაძლოა გარემოზე საშინელი ზემოქმედება მოახდინოს.“

ივნისში ბიტკოინი კანონიერ გადახდის საშუალებად სალვადორში აღიარეს. ამ ნაბიჯს მსოფლიო ბანკის, საერთაშორისო სავალუტო ფონდისა და სხვა დიდი ორგანიზაციების მხრიდან კრიტიკა მოჰყვა. მაგალითად, მსოფლიო ბანკმა სალვადორს ფინანსურ სისტემაში ბიტკოინის ინტეგრირებისთვის დახმარებაზე უარი განუცხადა . გარდა ამისა, ივლისში ცნობილი გახდა, რომ სალვადორის მოქალაქეები ბიტკოინის გადახდის საშუალებად შემოღებას აპროტესტებენ.

წყარო: https://bits.media

ბიტკოინი ეკონომიკური სტაბილურობისთვის საფრთხეს წარმოადგენს