აშშ თეთრ ჰაკერებს და ინფორმატორებს კრიპტოვალუტებით

აშშ თეთრ ჰაკერებს და ინფორმატორებს კრიპტოვალუტებით დააჯილდოვებს

შეერთებულ შტატებში ანონიმური ინფორმატორებისა და „თეთრი ჰაკერების“ წამახალისებელი პროგრამა ამოქმედდა.
მოქალაქეები, რომლებიც ტერორისტების ან სახელმწიფო უსაფრთხოების IT სისტემებში არსებული ხარვეზების შესახებ ინფორმაციას გასცემენ, ჯილდოს კრიპტოვალუტებში მიღებას შეძლებენ.

ამისათვის აშშ-ში ამოქმედდა პლატფორმა „Rewards for Justice“, რაც ითარგმნება როგორც „ჯილდო
სამართლიანობისთვის“. პლატფორმა ანონიმური შეტყობინებების დატოვებისა და სანაცვლოდ ჯილდოს
მიღების შესაძლებლობას იძლევა. ჯილდოს მიღების ერთ-ერთი ფორმა კრიპტოვალუტების გადარიცხვაა.

პლატფორმის პოპულარიზაცია ლას-ვეგასში გამართული კონფერენციის Black Hat USA ფარგლებში მიმდინარეობდა. წამახალისებელი ჯილდოს მაქსიმალური ოდენობა 10 მილიონ ამერიკულ დოლარს შეადგენს. ამ თანხის მიღება
მთავრობისთვის ტერორისტებზე, მათ თანამზრახველებსა და ექსტრემისტებზე ონფორმაციის მიწოდების სანაცვლოდ
იქნება შესაძლებელი. აშშ-ს მთავრობა ასევე დაინტერესებულია იმ ჰაკერების შესახებ ინფორმაციით, რომლებსაც სხვა სახელმწიფოები აფინანსებენ.

როგორც შეერთებული შტატების კონტრდაზვერვისა და უსაფრთხოების ეროვნული ცენტრის ყოფილმა დირექტორმა,
უილიამ ევანინამ (William Evanina) აღნიშნა, ეს არის ერთ-ერთი პირველი ინიციატივა, რომლის ფარგლრბშიც
ქვეყნის მთავრობა კრიპტოვალუტებს გამოიყენებს.

„ვფიქრობ კრიპტოვალუტა ის აქტივია, რომელსაც სხვა სახის ჯილდოებისთვისაც გამოვიყენებთ. ეს ჩვენთვის იმ ინფორმაციის გადაცემის სტიმული გახდება, რომელსაც სხვაგვარად ვერასდროს მოვიპოვებდით.“- განაცხადა კონფერენციის ერთ-ერთმა მონაწილემ.

კრიპტოვალუტების სფეროში სულ უფრო პოპულარული ხდება „თეთრი ჰაკერების“მოძრაობა – ადამიანების,
რომლებიც ხარვეზების აღმოჩენის შემთხვევაში სისტემის დაუცველობას სათავისოდ არ იყენებენ და ამის
შესახებ პროექტის დეველოპერებს ატყობინებენ. მაგალითად, გასული წლის სექტემბერში „თეთრმა ჰაკერმა“
Lien Finance-ის სმარტ კონტრაქტიდან 25 000 ETH-ის ქურდობას შეუშალა ხელი.

ცოტახნის წინ დეცენტრალიზებული ფინანსების უმსხვილეს პროექტ DeFi Poly Network-ზე თავდასხმაც
„თეთრი ჰაკერის“ ნახელავი აღმოჩნდა. ჰაკერმა აქტივები უკან დააბრუნა და ჩადენილი ქმედება ყურადღების მიქცევით მოტივით ახსნა.

წყარო: https://bits.media

Mastercard Bakkt-თან თანამშრომლობით ლოიალობის პროგრამას კრიპტოვალუტაში დაიწყ

ტრილიონი დოლარის შეცდომა: აპირებს ჩინეთი კრიპტო აკრძალვის გაუქმებას

Mastercard Bakkt-თან თანამშრომლობით ლოიალობის პროგრამას კრიპტოვალუტაში დაიწყ

ტრილიონი დოლარის შეცდომა: აპირებს ჩინეთი კრიპტო აკრძალვის გაუქმებას

Mastercard Bakkt-თან თანამშრომლობით ლოიალობის პროგრამას კრიპტოვალუტაში დაიწყ

ტრილიონი დოლარის შეცდომა: აპირებს ჩინეთი კრიპტო აკრძალვის გაუქმებას

აშშ თეთრ ჰაკერებს და ინფორმატორებს კრიპტოვალუტებით დააჯილდოვებს