Dogecoin მა Dogecoin 2.0-ის დეველოპერებისგან სახელის შეცვლა მოითხოვა

Dogecoin მა Dogecoin 2.0-ის დეველოპერებისგან სახელის შეცვლა მოითხოვა

Dogecoin Foundation-მა „პლაგიატი პროექტის“ შესახებ სჯარო განცხადება გააკეთა და პროექტ Dogecoin 2.0-ის დეველოპერებს, რაიმე სახის გაუგებრობის თავიდან აცილების მიზნით, მისი სახელის შეცვლა მოსთხოვა.

Dogecoin Foundation-მა განაცხადა, რომ შეშფოთებულია კრიპტოვალუტის პროექტ Dogecoin 2.0-ის (DOGE2) გამოჩენით,
რომელიც Binance Smart Chain-ის ქსელში მიმდინარე წლის დასაწყისში ამოქმედდა და ცოტა ხნის წინ ცნობილ სავაჭრო პლატფორმებზე განთავსების შესახებ განცხადება გააკეთა. ახლა Dogecoin 2.0-ის ფასი 0.04$-ს შეადგენს, მისმა სავაჭრო
მოცულობამ კი ბოლო 24 საათის განმავლობაში 113000$ შეადგინა, მაშინ როცა DOGE-ს მიმდინარე კურსი 0.3$-ია, ხოლო მისი სავაჭრო მოცულობა კი თითქმის 3 მილიარდი დოლარი.

ფონდის განცხადებით, პროექტს ნამდვილ Dogecoin-თან არაფერი აქვს საერთო, სტარტაპის საიტზე განთავსებული
გარკვეული ინფორმაცია კი ორიგინალ კრიპტოვალუტა DOGE-ს „ჩრდილს აყენებს“. მაგალითად, დეველოპერები ირწმუნებიან,
რომ Dogecoin 2.0-ს აქვს უფრო ძლიერი ტოკენომიკა, ვიდრე მის „გაბერილ წინამორბედს“. როგორც ჩანს, ახალმა პროექტმა
წინსვლა ორიგინალის ღირსების შელახვის ხარჯზე გადაწყვიტა.

ამის გამო Dogecoin Foundation იძულებულია იურისტების დახმარებას მიმართოს. იმისათვის, რათა Dogecoin-ის
მომხმარებლები შეცდომაში არ შევიდნენ და არ მოხდეს მესამე მხარის მიერ ბრენდ Dogecoin-ის არამიზანმიმართული
გამოყენება. 

იურისტები უკვე დაუკავშირდნენ Dogecoin 2.0-ის დეველოპერებს და სთხოვეს პროექტის სახელი შეეცვალათ.

„ ჩვენ მივესალმებით ახალწვეულებს კრიპტოვალუტის სივრცეში, თუმცა არანაირად არ ვართ დაკავშირებული
Dogecoin 2.0 -თან. ჩვენ ვიმედოვნებთ, რომ ჩვენი თხოვნით, ამ პროექტის შემქმნელი ჯგუფი აირჩევს ახალ სახელს, რომელიც არ დაარღვევს Dogecoin-ის უფლებებს და გავლენას არ მოახდენს მის რეპუტაციაზე, ” – ნათქვამია Dogecoin Foundation-ის განცხადებაში.

ცოტა ხნის წინ Dogecoin-ის ფონდმა განაცხადა, რომ მის სამომავლო გეგმებში ლიხტენშტეინში ოფისის გახსნა შედის,
რადგან იურიდიულ პირად დარეგისტრირება ბრენდ Dogecoin-ს უკეთ დაიცავს. Ethereum-ის თანადამფუძნებელმა
ვიტალიკ ბუტერენმა ამ საკითხთან დაკავშირებით Dogecoin-ის დეველოპერებთან კონსულტაციები უკვე ჩაატარა.

კრიპტოვალუტა DOGE პოპულარული ხდება არა მხოლოდ კრიპტო საზოგადოებაში, არამედ პოლიტიკოსებშიც. მაგალითად, ამერიკელმა კონგრესმენმა ბარი მურმა (Barry Moore) DOGE-ში ინვესტიცია დიდი ხნის წინ ჩადო.

წყარო:  https://bits.media

Dogecoin მა Dogecoin 2.0-ის დეველოპერებისგან სახელის შეცვლა მოითხოვა