მარეგულირებლებს ბიტკოინის მოკვლა შეუძლიათ რეი დალიო
მილიარდერს და ჰეჯ-ფონდ Bridgewater Associates-ის დამფუძნებელს რეი დალიოს (Ray Dalio) მიაჩნია, რომ თუ ბიტკოინი ზედმეტად წარმატებული იქნება, მარეგულირებელ ორგანოებს მისი „ერთხელ და სამუდამოდ დასრულება“ შეაუძლიათ.
CNBC-ის გადაცემა Squawk Box-ში დალიომ ინფლაციასა და მის გლობალურ ეკონომიკაზე ზეგავლენის შესახებ ისაუბრა და ინვესტორებს რისკების შესამცირებლად თავიანთ პორტფელებში მრავალფეროვნების შეტანა ურჩია. დალიოს თქმით, ნაღდი
ფული დღევანდელ პირობებში ნაკლებად მომგებიანია, ხოლო ბიტკოინი დაბანდების კარგ საშუალებად შეიძლება ჩაითვალოს.
ნაღდი ფულის ნებისმიერი ალტერნატივა გასათვალისწინებელია, ამბობს დალიო. ადრე ის ბიტკოინის მიმართ სკეპტიკურად იყო განწყობილი და მას ზედმეტად არასტაბილურ აქტივს უწოდებდა. Bridgewater Associates-ის დამფუძნებელი მიიჩნევს, რომ თუ ბიტკოინი ძალიან პოპულარული გახდება, მარეგულირებლებმა შეიძლება მისი განვითარების შეჩერება სცადონ.
„საოცარი მიღწევაა ბიტკოინის გადმოტანა რეალურ სამყაროში იქიდან, საიდანაც პროგრამირება წარმოიშვა. ბიტკოინი ახლა დროის გამოცდას გადის. მაგრამ თუ ის ნამდვილად მიაღწევს წარმატებას, მარეგულირებელი ორგანოები მის „მოკვლას“ შეეცდებიან და ამის გზებს იპოვიან“ – თქვა მან.
დალიო სალვადორში ბიტკოინის ლეგალიზების თემასაც შეეხო. მილიარდერი დარწმუნებულია, რომ ამ ლათინოამერიკული
ქვეყნის ქმედებები ვერ იქნება ჩინეთისა და ინდოეთის ბიტკოინის წინააღმდეგ მიღებული ზომების საპირწონე. ჩინეთმა
ქვეყნის ტერიტორიაზე კრიპტოვალუტრბის მოპოვება აკრძალა, რითიც მაინერები აიძულა დანადგარები სხვა იურისდიქციაში
გადაეტანათ.
მიმდინარე კვირაში მაინერებისთვის აკრძალვები შემოიღო კიდევ ორმა ჩინურმა პროვინციამ – ჰებეიმ და განიუსუმ. ინდოეთმა კი თვის დასაწყისში კრიპტოვალუტრბის რეგულირების შესახებ კანონის განხილვა დაიწყო, თუმცა ჯერ გაურკვეველია
რად ჩაითვლება კრიპტოვალუტები: აქციებად, პროდუქტად თუ ვალუტებად.
„არის სალვადორი, რომელმაც ბიტკოინის დანერგვა გარისკა. არის ინდოეთი და ჩინეთი, რომლებიც მისგან განთავისუფლებას ცდილობენ და არის შეერთებული შტატები, რომლებიც კრიპტოვალუტების რეგულირებაზე მსჯელობენ. ეს კი იმას ნიშნავს, რომ მათზე კონტროლი ჯერ კიდევ შესაძლებელია.“- განაცხადა დალიომ.
CNBC-ის არხზე უფრო ადრეულ გამოსვლაში დალიომ განაცხადა, რომ უპირატესობას ოქროს ანიჭებს და ის ინფლაციისგან
დაცვის ყველაზე სანდო აქტივად მიაჩნია.
წყარო: https://bits.media
მარეგულირებლებს ბიტკოინის მოკვლა შეუძლიათ რეი დალიო
- გამოგვეყვით ტელეგრამზე t.me/cryptonewsgeorgia
- დაემატეთ ჩვენს ჯგუფში Fb.me/groups/cryptonewsgeorgia
Comments (No)