კრიპტოვალუტის გამოძალვის თაღლითური სქემები გაცნობის საიტებზე

მიმდინარე წლის 1 იანვრიდან 31 ივნისამდე არსებულ პერიოდში FBI-იმ გაცნობის საიტებზე კრიპტოვალუტების
თაღლითურ სქემებთან დაკავშირებით 1800-ზე მეტი საჩივარი მიიღო. თაღლითობის მსხვერპლთა ზარალმა 133.4 მილიონი დოლარი შეადგინა.

ფედერალურმა ბიურომ გაფრთხილება გამოაქვეყნა, სადაც გაცნობის საიტებისა და სოციალური ქსელების მეშვეობით
პოტენციური მსხვერპლების შერჩევასა და მათი თაღლითურ სქემაში ჩართვის პროცესზეა საუბარი. პანდემიის პირობებში
გაცნობის აპლიკაციებმა განსაკუთრებული პოპულარობა მოიპოვეს. გასულ წელს ჩრდილოეთ ამერიკის მასშტაბით მსგავსი თემატიკის 1400-მდე პლატფორმა შეიქმნა, რაც ბოროტმოქმედებმა თავის სასარგებლოდ გამოიყენეს.

თავდაპირველად თაღლითები პოტენციურ მსხვერპლთან კონტაქტს ამყარებენ. ნდობის მოპოვების შემდეგ ისინი მსხვერპლს უცხადებენ, რომ კრიპტოვალუტებით ვაჭრობასა და ინვესტიციებში ერკვევიან და ადამიანს თაღლითურ საიტზე ამისამართებენ.
მას შემდეგ, რაც მომხმარებელი გარკვეულ თანხას „დააბანდებს“ თაღლითები მას პირველი „მოგების“ გამოტანის შესაძლებლობას აძლევენ – უმნიშვნელო თანხის გაცემით კი მსხვერპლის ნდობას საბოლოოდ მოიპოვებენ. შემდეგ ჯერზე თაღლითები მსხვერპლს დიდი თანხის დაბანდებას და სწრაფად მოქმედებას ურჩევენ. როცა მოტყუებული „ინვესტორი“ თანხის გამოტანის სურვილს გამოთქვამს, თაღლითები ცდილობენ სხვადასხვა საბაბით მას უფრო მეტი თანხა დასტყუონ – დამატებითი გადასახადების
ან გატანის საკომისიოს სახით. მას მერე, რაც „კლიენტისგან“ თანხა აღარ შემოდის მასთან ურთიერთობას მაშინვე წყვეტენ.

თაღლითობის მეორე სქემა შანტაჟს მოიცავს. თაღლითი პოტენციურ მსხვერპლს ინტიმური ხასიათის მასალებს უგზავნის
(როგორც წესი,  ფოტო ან ვიდეომასალა სხვა პიროვნებას ეკუთვნის) და მსხვერპლს ანალოგიური ქმედებისკენ უბიძგებს.
ამის შემდეგ, ბოროტმოქმედი მოპოვებული მასალის გასაჯაროვების მუქარით მსხვერპლისგან გამოსასყიდს კრიპტოვალუტაში ითხოვს.

FBI მომხმარებლებს ურჩევს გამოიჩინონ სიფრთხილე და არ მოახდინონ ინვესტიცია ინტერნეტით გაცნობილი ადამიანის
რჩევით, არ ისაუბრონ საკუთარ ფინანსურ მდგომარეობაზე უცხო ადამიანებთან, სანდოდ არ მიიჩნიონ ინვესტიცია რომელსაც არნახული შემოსავლის დაპირება ახლავს, ყურადღება გამოიჩინონ თუ ვინმე ინვესტიციის განხორციელებას „ექსლუზიური შესაძლებლობის“ ხელიდან გაშვების საბაბით აჩქარებთ.

უფრო ადრე FBI-იმ განცხადება კრიპტოვალუტების ქურდობისთვის ფიშინგური შეტევების გახშირების შესახებ გააკეთა.
გასულ წელს FBI-ის მიერ დაკავებული იქნა თაღლითური ჯგუფი, რომელმაც ჩიკაგოში დაფუძნებულ ორ ფირმას 17.5 მილიონი დოლარის ბიტკოინები მოპარა.

წყარო:  https://bits.media

კრიპტოვალუტის გამოძალვის თაღლითური სქემები გაცნობის საიტებზე

Mastercard Bakkt-თან თანამშრომლობით ლოიალობის პროგრამას კრიპტოვალუტაში დაიწყ

ტრილიონი დოლარის შეცდომა: აპირებს ჩინეთი კრიპტო აკრძალვის გაუქმებას

Mastercard Bakkt-თან თანამშრომლობით ლოიალობის პროგრამას კრიპტოვალუტაში დაიწყ

ტრილიონი დოლარის შეცდომა: აპირებს ჩინეთი კრიპტო აკრძალვის გაუქმებას

Mastercard Bakkt-თან თანამშრომლობით ლოიალობის პროგრამას კრიპტოვალუტაში დაიწყ

ტრილიონი დოლარის შეცდომა: აპირებს ჩინეთი კრიპტო აკრძალვის გაუქმებას