Robinhood მომხმარებელთა მხარდაჭერის სადღეღამისო სერვისს აამოქმედებს

Robinhood მომხმარებელთა მხარდაჭერის სადღეღამისო სერვისს აამოქმედებს

Robinhood-ის ვებსაიტზე მომხმარებელთა მხარდაჭერის განახლებული სერვისია წარმოდგენილი. განახლების შედეგად მომხმარებლებს შეეძლებათ სასურველი შეკითხვა ტელეფონით 24 საათის განმავლობაში დასვან. ამრიგად, Robinhood გახდა პირველი პლატფორმა, რომელმაც მხარდაჭერის სადღეღამისო სერვისი აამოქმედა.

 სავაჭრო პლატფორმამ Robinhood  24 საათიანი  მხარდაჭერის სერვისი დაამატა, რომელიც კლიენტებს დაეხმარება გაეცნონ ინვესტიციების, მათ შორის კრიპტოვალუტაში ინვესტიციების შესახებ განახლებულ ინფორმაციას.

„ჩვენ ვცდილობთ ახლოს ვიყოთ მომხმარებლებთან  და გვჯერა, რომ სადღეღამისო სატელეფონო მხარდაჭერა არის მნიშვნელოვანი ნაბიჯი ჩვენი სერვისებისა და ფინანსური ბაზრების საიმედოობის, ხელმისაწვდომობისა და გაგების გასაუმჯობესებლად.“ – ნათქვამია ოფიციალურ განცხადებაში.

მომხმარებლებს შეეძლებათ სატელეფონო ზარი აპლიკაციის მეშვეობით მოითხოვონ, რის შემდეგაც მათ აცნობებენ პოზიციას
რიგში და ნომერს, საიდანაც ზარი შემოვა. ეს იმისთვის კეთდება, რომ მომხმარებელს შემოსული ზარი სპამი არ ეგონოს.
საჭირო სფეროში გამოცდილების მქონე წარმომადგენელი მომხმარებელს 30 წუთის განმავლობაში დაუკავშირდება.
კლიენტებს შეეძლებათ ტელეფონით დასვან კითხვები ვაჭრობასთან, უსაფრთხოებასთან და კრიპტოვალუტის შესახებ
ზოგად ინფორმაციასთან დაკავშირებით. ამჟამად პლატფორმის გუნდი მუშაობს იმაზე, თუ როგორ უზრუნველყოს კლიენტის მხარდაჭერა, რომელიც საკუთარ ანგარიშზე შესვლას ვერ ახერხებს. 

24 საათიანი სერვისის უზრუნველყოფისთვის კომპანიამ წელს პერსონალი 2700 თანამშრომლამდე გაზარდა. მანამდე მომხმარებლების მხარდაჭერა მხოლოდ ორშაბათიდან პარასკევის ჩათვლით ხორციელდებოდა. ანალოგიური სადღეღამისო მომსახურების ამოქმედებას წლის ბოლოსთვის Coinbase-იც გეგმავს, ახლა კი გატეხილი ანგარიშის დეაქტივაციისთვის მომხმარებლებს ავტომატური სერვისით სარგებლობა შეუძლიათ.

წყარო: https://bits.media

Robinhood მომხმარებელთა მხარდაჭერის სადღეღამისო სერვისს აამოქმედებს

Mastercard Bakkt-თან თანამშრომლობით ლოიალობის პროგრამას კრიპტოვალუტაში დაიწყ

ტრილიონი დოლარის შეცდომა: აპირებს ჩინეთი კრიპტო აკრძალვის გაუქმებას

Mastercard Bakkt-თან თანამშრომლობით ლოიალობის პროგრამას კრიპტოვალუტაში დაიწყ

ტრილიონი დოლარის შეცდომა: აპირებს ჩინეთი კრიპტო აკრძალვის გაუქმებას

Mastercard Bakkt-თან თანამშრომლობით ლოიალობის პროგრამას კრიპტოვალუტაში დაიწყ

ტრილიონი დოლარის შეცდომა: აპირებს ჩინეთი კრიპტო აკრძალვის გაუქმებას