ბიტკოინის კურსმა 60 000 აშშ დოლარს გადააჭარბა

ბიტკოინის კურსმა 60 000 აშშ დოლარს გადააჭარბა

ბიტკოინის კურმა 61,731 აშშ დოლარს მიაღწია და მიმდინარე წლის აპრილის ისტორიულ მაქსიმუმს მიუახლოვდა, მაგრამ მიღწეული პოზიცია ვერ შეინარჩუნა.

CoinMarketCap-ის მონაცემებით, 16 ოქტომბრის დილის მდგომარეობით, BTC-ის კურსმა
61,731 აშშ დოლარს მიაღწია, ხოლო კრიპტოვალუტის საბაზრო კაპიტალიზაციამ  1,1 ტრილიონ
დოლარს გადააჭარბა. მოცემულ დროს ბიტკოინის ფასი ძალიან ახლოს იყო აპრილის მაქსიმუმთან,
მაგრამ მიღწეულ დონეზე დიდხანს ვერ გაჩერდა.

2021 წლის 20 ივლისიდან მოყოლებული, როდესაც BTC-ის ფასის 29 807 დოლარამდე ვარდნა
დაფიქსირდა, კრიპტოვალუტის ღირებულება გაორმაგდა. ექსპერტებს არ გააჩნიათ ერთიანი
მოსაზრება იმის შესახებ, თუ  რა არის ბიტკოინის აღმასვლისა თუ დაღმასვლის მთავარი კატალიზატორი.

2021 წლის ივნისში, ბიტკოინის კურსის ვარდნის ფონზე, ADVFN-ის ხელმძღვანელმა კლემ
ჩემბერსმა (Clem Chembers) იწინასწარმეტყველა, რომ „ბიტკოინის ზამთარი უკვე დადგა“ და „
ვინც BTC 60 000 დოლარად იყიდა, ძალიან დიდი ხანი მოუწევს ლოდინი, კურსი კი შესაძლოა
7000 დოლარამდე  დაეცეს.” თუმცა, ჩვენ სწორედ საპირისპირო შედეგს ვხედავთ.

სავარაუდოდ, ეს გამოწვეულია ფასიანი ქაღალდების კომისიის (SEC) გადაწყვეტილებით,
ბიტკოინის ფიუჩერსების გაცვლითი სავაჭრო ფონდის (ETF) ამოქმედებასთან დაკავშირებით. ასევე, არაპირდაპირი ზემოქმედება შესაძლოა ჰქონოდა როგორც ინსტიტუციონალური ინვესტორების მხრიდან ბიტკოინის მიმართ მაღალ ინტერესს, ისე აშშ-ს პრეზიდენტის მიერ სახელმწიფო ვალის ლიმიტის დროებითი გაზრდის შესახებ კანონის ხელმოწერასაც.

ამ მოვლენას ასევე წინ უძღოდა სენატორისა და კრიპტოვალუტების მხარდამჭერის, სინტია ლამისის განცხადება იმის შესახებ, რომ ბიტკოინს შეუძლია ხალხი სიღარიბისგან იხსნას, თუ სახელმწიფო ხაზინა დაცარიელდა.

ბიტკოინის კურსმა 60 000 აშშ დოლარს გადააჭარბა

წყარო: https://bits.media