Forbes-ის რედაქტორი აშშ-ს მოუწოდებს მიიღოს ბიტკოინი

ავიკ როი (Avik Roy), პოლიტოლოგი, ჟურნალისტი და საინვესტიციო ანალიტიკოსი მიიჩნევს, რომ კრიპტოვალუტა შეერთებულ შტატებს ინფლაციის მინიმალური დანაკარგებით გადალახვაში დაეხმარება.

თავის ანგარიშში, Forbes-ის პოლიტიკური სიახლეების რედაქტორი ამბობს, რომ დროა
შეერთებულმა შტატებმა რეაგირება მოახდინოს ცვალებად ფულად-საკრედიტო სიტუაციაზე, რომელიც გაუაზრებელი ხარჯებითა და სესხებით პროვოცირებული ფიატური ვალუტის გაუფასურებით არის გამოწვეული.

 „დროთა განმავლობაში პოლიტიკოსები  არჩევანის წინაშე აღმოჩნდებიან – დაიცვან მოსახლეობა ინფლაციისგან ან შეინარჩუნონ შესაძლებლობა მთავრობამ დეფიციტურ ხარჯვაში მიიღოს მონაწილეობა. ამის ერთად გაკეთება შეუძლებელი იქნება. პრობლემის გამწვავება კი დროთა განმავლობაში ბიტკოინის ღირებულებას გაზრდის.“

როის პროგნოზით, მომდევნო 10-20 წლის მანძილზე დოლარი ბიტკოინთან მიმართებაში შეიძლება შესუსტდეს, რადგან ფიატური ვალუტის ლიკვიდურობა კერძო და ინსტიტუციონალური ინვესტორების მიერ კრიპტოვალუტის მასიური მიღების გამო მკვეთრად დაეცემა. რედაქტორის აზრით, კანონმდებლები და მარეგულირებელი ორგანოები უნდა ცდილობდნენ აშშ-ში კრიპტოვალუტის კომპანიებს მუშაობა გაუადვილონ, უზრუნველყონ კრიპტოვალუტის რეგულირების იურიდიული სიცხადე  და შეწყვიტონ სტარტაპების შევიწროვება.

Forbes-ის რედაქტორი აშშ-ს მოუწოდებს მიიღოს ბიტკოინი

ის მოუწოდებს აშშ-ს კონგრესს კრიპტოვალუტის ბაზრისთვის მკაფიო და გასაგები კანონები
შეიმუშაოს. ავიკ როი მიიჩნევს, რომ ქვეყნის ინფლაციისგან დასაცავად აშშ-ს ხაზინამ ოქროს
ნაწილი ბიტკოინებით უნდა ჩაანაცვლოს. მისი აზრით, რიგითი ამერიკელები და პოლიტიკოსები
სახელმწიფო ციფრული ვალუტის შემოღების წინააღმდეგ უნდა გამოვიდნენ, რადგან მას შეუძლია
კერძო ბანკები მთლიანად გაანადგუროს. გარდა ამისა, კრიპტოვალუტის
დანერგვით ფედერალური სარეზერვო სისტემა შეძლებს თვალყური ადევნოს
ყველა ტრანზაქციას და მომხმარებელთა პირადი ინფორმაცია თავის სასარგებლოდ გამოიყენოს.

 ბიტკოინი კი აშშ -ს მოქალაქეებს საშუალებას მისცემს დაიცვან დანაზოგი მთავრობის შეცდომებისგან და ფინანსური უსაფრთხოება გაიუმჯობესონ. ამიტომ, აშშ-ს მთავრობამ ამ შესაძლებლობით უნდა ისარგებლოს და გადარჩენისთვის სწორი ინფრასტრუქტურა შექმნას.

ცოტა ხნის წინ, ამერიკელმა სენატორმა და კრიპტოვალუტის მხარდამჭერმა სინტია ლამისმა
განაცხადა, რომ ბიტკოინს შეუძლია ამერიკელები სიღარიბისგან იხსნას, თუ სახელმწიფო ხაზინა დაცარიელდება. აშშ-ის პრეზიდენტობის ყოფილი კანდიდატი ენდრიუ იანგი კრიპტოვალუტის
რეგულირების განმარტების მოთხოვნით გამოვიდა. ყოფილმა დაზვერვის თანამშრომელმა
ედუარდ სნოუდენმა კი თქვა, რომ CBDC ბოროტებაა რომელიც სახელმწიფოს საშუალებას აძლევს თავისი მოქალაქეების ჯიბეში ჩაძვრეს.

წყარო: https://bits.media