SEC-ის მოსარჩელე აშშ-ს მარეგულირებლების კრიტიკას აგრძელებს

SEC-ის მოსარჩელე აშშ-ს მარეგულირებლების კრიტიკას აგრძელებს
კრიპტოვალუტის კომპანია Terraform Labs-ის თანადამფუძნებელმა, რომელმაც  აშშ-ს ფასიანი ქაღალდების
კომისიის (SEC) წინააღმდეგ სარჩელი შეიტანა, მარეგულირებლებს კრიპტოვალუტის კომპანიების უსაფუძვლო
შევიწროებაში დასდო ბრალი.

Terraform Labs-ის აღმასრულებელმა დირექტორმა დო კვონმა (Do Kwon), რომელმაც  SEC სასამართლო უწყების
გადაცემისას კონფიდენციალურობის დარღვევაში დაადანაშაულა, ინტერვიუში ისაუბრა მის დამოკიდებულებაზე მარეგულირებლების საქმიანობისადმი, რომლებმაც ბოლო დროს კრიპტოვალუტის ბაზარზე კონტროლი გააძლიერეს.
დო კვონის თქმით, მას გააზრებული ჰქონდა მარეგულირებლების შეშფოთება უკანონო ქმედებებთან დაკავშირებით
და მზად იყო ინდუსტრიასა და მისი კომპანიის საქმიანობის შესახებ მათთვის კონსულტაციები ჩაეტარებინა. მაგრამ,
მათი მხრიდან მტრულმა დამოკიდებულებამ აიძულა იგი მთავრობის პოლიტიკაზე საკუთარი შეხედულებისთვის გადაეხედა.

„ძალიან მნიშვნელოვანია, რომ კრიპტოვალუტის კომპანიებმა მარეგულირებლებთან  ძლიერი და თავდაჯერებული პოზიციიდან იმუშაონ “- აღნიშნა ვონმა.

Terraform Labs-ის აღმასრულებელი დირექტორი მიიჩნევს, რომ მარეგულირებლები ძალიან დიდ დროს ხარჯავენ იმ
კომპანიების საქმიანობის შესწავლაზე, რომლებიც კანონს იცავენ და ამით  მთელი კრიპტო ინდუსტრიის განვითარებას და
პროგრესს აფერხებენ. მისი განცხადებით, პატიოსანი კომპანიების დევნის ნაცვლად, SEC-მა უკანონო ქმედებების გამოვლენა
უნდა გააძლიეროს და კრიპტო ინდუსტრიაში თაღლითობა და დანაშაული აღმოფხვრას.

კვონი მიიჩნევს, რომ ფინანსური მარეგულირებლები შეავიწროვებენ ყველა კომპანიას, რომელიც DeFi პროექტებს აამოქმედებს.
მისი თქმით, კომპანიები, რომლებსაც სურთ ტრადიციული ფინანსური სისტემის შეცვლა, ამისთვის მზად უნდა იყვნენ. მისი
აზრით, მიკერძოების მიუხედავად, ხელისუფლებას კრიპტო ინდუსტრიის გლობალური რეგულირება ნამდვილად სურს, მაგრამ არსებული წესები და კანონები ამის საშუალებას არ იძლევა.

„ვიცი, რომ შესაძლებელია მინიმალური სიცოცხლისუნარიანობის მქონე მკაფიო წესების მოფიქრება, რომლებიც გამიჯნავენ რა კვალიფიცირდება გარანტირებულ დეცენტრალიზებულ აქტივად და რა ფასიან ქაღალდად. სიცხადე მარეგულირებლებსა და კრიპტოვალუტის კომპანიებს ცხოვრებას გაუადვილებს.“

დო კვონი ერთადერთი არ არის ვინც SEC-ის ქმედებებით უკმაყოფილოა. SEC-ის კომისარმა ესტერ პირსმა ახლახან აღიარა, რომ კომისია ანტიკრიპტოვალუტის პოლიტიკას ნამდვილად ატარებს და კრიპტო ინდუსტრიის რეგულირების მიმართ კონსერვატიულ მიდგომაზე უარის თქმას აპირებს.

წყარო: https://bits.media

SEC-ის მოსარჩელე აშშ-ს მარეგულირებლების კრიტიკას აგრძელებს