ბრიტანეთი კრიპტო ბირჟებისთვის 2%-იან საშემოსავლოს აწესებს

ბრიტანეთი კრიპტო ბირჟებისთვის 2%-იან საშემოსავლოს აწესებს

დიდი ბრიტანეთის შემოსავლებისა და საბაჟო სამსახურმა (HMRC) კრიპტოაქტივების დაბეგვრა განაახლა, რაც კრიპტოვალუტის ბირჟებისთვის  2%-იან საშემოსავლო გადასახადს მოიცავს. 

ციფრული სერვისის გადასახადი  სოციალური მედიისა და საძიებო გიგანტებისთვის, როგორიცაა Facebook და Google, 2020 წლის აპრილში დაინერგა.

თუმცა, კრიპტოვალუტების კლასიფიკაციის შემდეგ, HMRC-მა  ციფრული სერვისების საშემოსავლო 2%-იანი გადასახადი ასევე  კრიპტოვალუტის ბირჟებისთვისაც შემოიღო.

„არსებობს ბევრი კრიპტოაქტივი, თითოეულ მათგანს განსხვავებული მახასიათებლები აქვს. ვინაიდან კრიპტოვალუტები არ წარმოადგენს საქონელს,

ფინანსურ კონტრაქტს ან ფულს, ნაკლებად სავარაუდოა, რომ კრიპტოაქტივების ბირჟებმა გარდა კონვერტაციისა მათგან სარგებლის მიღება სხვა გზით შეძლონ.“

HMRC-მ დაამატა, რომ ის არ ცნობს ციფრულ აქტივებს, როგორც ფინანსურ ინსტრუმენტს და ამიტომ, კრიპტოვალუტის სავაჭრო პლატფორმები და ბირჟები ფინანსური შეღავათებით ვერ ისარგებლებენ.

 დიდ ბრიტანეთის კრიპტოვალუტის კომპანიების განაცხადებით, ციფრული აქტივების მიმართ ასეთი დამოკიდებულება საზიანოა ინდუსტრიის განვითარებისთვის.

სავარაუდოდ, გადასახადის ღირებულება ინვესტორებისა და ტრეიდერებისთვის მომსახურების საფასურს დაემატება. რეალურად, დიდი ბრიტანეთის ფინანსური ქცევის ორგანოს (FCA) მიერ კრიპტოვალუტის ბირჟებისთვის მკაცრი ლიცენზირების სისტემის დაწესების შემდეგ ეს ინდუსტრიისთვის კიდევ ერთი მძიმე დარტყმაა:

იანვრიდან მოყოლებული, გაერთიანებული სამეფოს ყველა კრიპტო კომპანიამ უნდა შეასრულოს AML-ის რეგულაციები და  FCA-ში დარეგისტრირდეს.

გაერთიანებული სამეფოს ფინანსური ქცევის ორგანო გამოყოფს   670 000 აშშ დოლარს პერსონალის გადამზადებისთვის, რომელმაც უკანონო საქმიანობაში კრიპტოვალუტის გამოყენების სქემები უნდა გამოავლინოს.

თვის დასაწყისში აშშ-ისა და დიდი ბრიტანეთის მთავრობების შეხვედრა და ციფრული აქტივების უკანონო გამოყენების დასაძლევად ძალების გაერთიანებაზე შეთანხმება მოხდა.

როგორც დიდი ბრიტანეთის ყოფილი ფინანსთა მინისტრი ფილიპ ჰამონდი (Philip Hammond) მიიჩნევს, მარეგულირებლებმა უნდა შეცვალონ თავიანთი დამოკიდებულება კრიპტოვალუტების მიმართ, რათა კონკურენტებს არ ჩამორჩნენ.

წყარო: https://bits.media/