სალვადორმა 21 დეკემბერს 21 ბიტკოინი იყიდა

სალვადორმა 21 დეკემბერს 21 ბიტკოინი იყიდა

სალვადორის მთავრობამ 21/12/2021 თარიღის აღსანიშნავად 21 ბიტკოინი იყიდა. 

სალვადორის პრეზიდენტმა ნაიბ ბუკელემ ბიტკოინის მორიგი შეძენა გამოაცხადა. ამჯერად, XXI საუკუნის 2021 წლის 21 დეკემბრის აღსანიშნავად ქვეყნის მთავრობამ 21 BTC იყიდა.

ამის შესახებ ნაიბ ბუკელემ (Nayib Bukele) ტვიტერში დაწერა. მან ასევე დაამატა, რომ სალვადორის ტერიტორია დაახლოებით 21 000 კვადრატული მეტრია და მიანიშნა,

რომ ბიტკოინის მიწოდება ასევე შეზღუდულია 21 მილიონი მონეტით და ეს არ შეიძლება უბრალო დამთხვევა იყოს.

26 ნოემბერს შავი პარასკევის აღსანიშნავად სალვადორმა 100 BTC იყიდა, თითო მონეტა დაახლოებით 54000 დოლარად.

21 BTC-ის ბოლო შეძენის შემდეგ, რომელიც ახლა დაახლოებით 1 მილიონი დოლარი ღირს, სალვადორმა საკუთარი რეზერვი 1,241 BTC-მდე გაზარდა.

სალვადორის მთავრობამ ბიტკოინში ინვესტირება 7 სექტემბერს დაიწყო, როცა ის ლეგალურ გადახდის საშუალებად აღიარა. სალვადორში ბიტკოინის ლეგალიზაციის შემდეგ, კრიპტოვალუტის სივრცეში ქვეყნის პროგრესის მკაცრი მონიტორინგი ბევრმა საერთაშორისო ორგანიზაციამ დაიწყო.

საერთაშორისო სავალუტო ფონდი (IMF) და მსოფლიო ბანკი ბიტკოინის ქვეყნის სავალუტო სისტემაში შემოტანას მიუღებლად მიიჩნევენ, რადგან მას ქვეყნის ეკონომიკის განადგურება შეუძლია. BTC-ში გადახდების საშუალებად  მიღება Ethereum-ის თანადამფუძნებელმა ვიტალიკ ბუტერინმაც გააკრიტიკა, რადგან მისი აზრით ეს  თავისუფლების პრინციპებს ეწინააღმდეგება.

თუმცა, სალვადორი ბიტკოინისგან მიღებული მოგებით უკვე სარგებლობს.  ბუკელეს განცხადებით,  ბიტკოინის ტრანზაქციებიდან მიღებული მოგება სკოლების მშენებლობაში ინვესტიციას მოხმარდება.

თუ სალვადორი  ბიტკოინში ინვესტიციების სარგებლობას გააგრძელებს, სხვა განვითარებადმა ქვეყნებმა, რომლებიც  კრიპტოვალუტის ინდუსტრიის განვითარებას აკვირდებიან, შესაძლოა  მას მიბაძონ.

წყარო: https://bits.media/