კრიპტოინდუსტრია დაიშლება ან ცხოვრებას უკეთესობისკენ შეცვლის

კრიპტოინდუსტრია დაიშლება ან ცხოვრებას უკეთესობისკენ შეცვლის

სკანდალურად ცნობილი ამერიკელი კომიკოსი და კომენტატორი ჯო როგანი  კრიპტოვალუტებზე დიდ იმედებს ამყარებს და ვარაუდობს, რომ მომავალში ყველა კომპანია საკუთარ NFT-ებს გამოუშვებს.

ჯო როგანს (Joe Rogan) პოლიტკორექტულობის არქონის,  ასევე რასიზმის, სექსიზმისა და ჰომოფობიის თემებზე ხუმრობის გამო ხშირად აკრიტიკებენ .

ამის მიუხედავად, როგანის პოდკასტებს დაახლოებით 11 მილიონი ადამიანი უყურებს.

ერთ-ერთ ეპიზოდში მან კრიპტოვალუტის ინდუსტრიის შესაძლებლობები ადამ კარისთან (Adam Curry) ერთად განიხილა,  რომელიც სახელმწიფო მედიისა და სამედიცინო საზოგადოების მიერ შეთქმულების თეორიების გავრცელებას ასევე გმობს.

როგანი თვლის, რომ კრიპტოაქტივებს განვითარების ორი სცენარი აქვთ:

„კრიპტოვალუტის ინდუსტრია ან მთლიანად დაიშლება, ან ადამიანებს მისცემს რეალურ შანსს გამოასწორონ თავიანთი ფინანსური მდგომარეობა და  ცხოვრება გაიუმჯობესონ.“- თქვა მან.

თავის მხრივ, კარიმ აღნიშნა, რომ ბევრი ადამიანი არსებული სისტემის ნაწილად ყოფნაზე უარს ამბობს, ამიტომ მათ პარალელური ქსელებისა და ეკოსისტემების შექმნა დაიწყეს. მან ისიც აღნიშნა, რომ „მატარებელს შეახტა“ და ინვესტიცია ბიტკოინში ჩადო, რადგან ბიტკოინი პირველი კრიპტოვალუტაა რომელიც მისი ფინანსური სახსრების უსაფრთხოებას უზრუნველყოფს.

კომენტატორებმა ასევე მეტავერსიის პოტენციალი და ამ სივრცეში არაურთიერთჩანაცვლებადი ტოკენების როლი განიხილეს.

როგანის ვარაუდით, მომავალში კომპანიები საკუთარ საკოლექციო ტოკენებს შექმნიან, რომლებსაც მომხმარებლები  პროდუქტების შესაძენად გამოიყენებენ.

„Apple-ს შეუძლია მარტივად გამოუშვას NFT, რომელთა მეშვეობითაც მომხმარებლები პროდუქტების შეძენას შეძლებენ. ამას შეიძლება აქციების ალტერნატიული ვერსია ვუწოდოთ “- თქვა როგანმა.

კარიმ საპირისპირო მოსაზრება გამოთქვა, რადგან მიიჩნევს, რომ დიდი ორგანიზაციები და მთავრობები ყურადღებას ცენტრალური ბანკების ციფრული ვალუტების დანერგვაზე გაამახვილებენ.

თითოეულ ადამიანს ექნება ციფრული საფულე, რომელიც მასა და აშშ-ს ფედერალურ რეზერვს შორის დამაკავშირებელი რგოლის ფუნქციას შეასრულებს,

კერძო ბანკების მომსახურებაზე კი მოთხოვნა აღარ იქნება. 

 NFT-ს მხარდამჭერი ინვესტორი კევინ ო’ლირიც (Kevin O’Leary) გახდა. ის დარწმუნებულია, რომ NFT-ები მომავალში  ფართო გამოყენებას იპოვიან და შესაძლოა ბიტკოინზე უფრო მოთხოვნადი გახდნენ.

წყარო: https://bits.media/