ჯეკ დორსის კომპანია ASIC მაინერებს შექმნის

ჯეკ დორსის კომპანია ASIC მაინერებს შექმნის

კომპანია Block Inc, რომელიც ჯეკ დორსის ეკუთვნის, ახალი თაობის  ASIC მაინერების შესაქმნელად სპეციალისტებს ეძებს.

კომპანიის მიზანს ASIC წარმოებაზე  ჩინეთის მონოპოლიის დანგრევა წარმოადგენს.

ჯეკ დორსიმ (Jack Dorsey) Twitter-ის აღმასრულებელი დირექტორის თანამდებობა დატოვა, რათა ბიტკოინის მაინინგზე გადართულიყო.

გასული წლის ბოლოს დორსის საკუთრებაში არსებულმა საგადახდო კომპანიამ Square რებრენდინგი განიცადა და სახელწოდება შეიცვალა.

ახალი სახელი „Block“ მიზნად ისახავს უკეთ ასახოს კომპანიის საქმიანობის ახალი მიმართულება და ბლოკჩეინისა და კრიპტოვალუტების მიმართ ინტერესს უსვამს ხაზს.

LinkedIn-ზე განთავსებული განცხადების მიხედვით, კომპანიამ ვაკანსია ციფრული დიზაინის წამყვანი სპეციალისტის პოზიციაზე გამოაცხადა.

განცხადებაში ნათქვამია, რომ ახალი თანამშრომელი Block-ის სპეციალური გუნდის წევრი გახდება, რომელიც ASIC მაინერების შექმნაზე იმუშავებს. 

კანდიდატს უნდა ჰქონდეს ბაკალავრის ხარისხი ელექტრო ინჟინერიაში (BSEE) ან გამოყენებით მეცნიერებებში და მინიმუმ 10 წლიანი სამუშაო გამოცდილება. ასევე, კარგად უნდა ესმოდეს RTL-დან GDSII-მდე პროექტირების სრული ციკლი  მათ შორის ჩიპის დონეზე.

გარდა ამისა, დეველოპერმა უნდა იცოდეს Change Data Capture (CDC), STA, LINT ტექნოლოგიები, Design-for-test (DFT) და  პროგრამირების ენა Cadence.

ASIC მაინერების ბაზრის წილის მოსაპოვებლად, Block-ს  ძლიერ კონკურენტებთან გამკლავება მოუწევს. მათ შორის მთავარია Bitmain, მაინინგის ტექნიკის ჩინური მწარმოებელი, რომელიც ბაზარზე რამდენიმე წლის განმავლობაში დომინირებს. Bitmain ასევე დაკავებულია ბიტკოინის მაინინგით საკუთარ ფერმებში. ადრე დორსი მაინინგ ინდუსტრიას ASIC მაინერების წარმოების კონცენტრირების გამო აკრიტიკებდა. მან პირობა დადო,  რომ ბაზარი უფრო დეცენტრალიზებული გახდებოდა.

წყარო: https://bits.media/