ტრამპის შვილი TrumpCoin-ს ჩივილით ემუქრება

ტრამპის შვილი TrumpCoin-ს ჩივილით ემუქრება

აშშ-ს ყოფილი პრეზიდენტის, დონალდ ტრამპის ვაჟი ერიკ ტრამპი, კრიპტოვალუტის პროექტ TrumpCoin-ის წინააღმდეგ სარჩელის შეტანას აპირებს. ის პროექტს თაღლითობაში ადანაშაულებს. TrumpCoin ბრალდებებს უარყოფს.

TrumpCoin-ის ვებსაიტზე ნათქვამია, რომ პროექტი 2016 წლის 20 თებერვალს დონალდ ტრამპის პატივსაცემად ამოქმედდა. TrumpCoin-ის შემქმნელები კრიპტო აქტივს „პირველ პატრიოტულ კრიპტოვალუტას“ უწოდებენ . მისი ამჟამინდელი საბაზრო კაპიტალიზაცია დაახლოებით 1.3 მილიონი დოლარია, ხოლო მიმოქცევაში არსებული TRUMP-ების რაოდენობა 6.6 მილიონზე მეტია. ერიკ

ტრამპმა Twitter-ზე გაფრთხილება გამოაქვეყნა:

„ყურადღება, თაღლითობა: ჩვენთვის ცნობილი გახდა, რომ ვიღაც ახორციელებს კრიპტოვალუტის პოპულარიზაციას, სახელწოდებით „TrumpCoin“ (TRUMP). ამ კრიპტოვალუტას არაფერი აქვს საერთო ჩვენს ოჯახთან, ის ჩვენი ცოდნისა და ნებართვის გარეშე გამოვიდა და ჩვენ მისი გამოყენების წინააღმდეგი ვართ. ჩვენ სარჩელს შევიტანთ“, – წერს ერიკ ტრამპი.

ამ ტვიტის კომენტარებში TrumpCoin-მა გამოაქვეყნა სკრინშოტი მათი ვებსაიტის FAQ განყოფილებიდან. მასში ნათქვამია, რომ TrumpCoin არ ეკუთვნის დონალდ ტრამპს.

არაფერი აქვს საერთო მის ძირითად კომპანიასთან The Trump Organization, არც Donald J. Trump for President Inc-თან ან საერთოდ დონალდ ტრამპის ან მისი შვილობილი კომპანიების მფლობელობაში მყოფ რომელიმე კომპანიასთან.

კრიპტოვალუტის ინდუსტრიის ზოგიერთი წარმომადგენელი კომიკური და პაროდიული კრიპტოვალუტების განვითარებას ასევე არ უჭერს მხარს .

მაგალითად, Cardano-ს დამფუძნებლის ჩარლზ ჰოსკინსონის თქმით, ინდუსტრიამ meme კრიპტოვალუტებს და NFT-ებს დიდი ყურადღება არ უნდა მიაქციოს, რადგან ეს არასერიოზულია.

თუმცა, აშშ-ის ყოფილი პრეზიდენტის მეუღლე მელანია ტრამპი NFT გატაცებას ვერ გაექცა.

გასული წლის დეკემბერში მან წარმოადგინა საკოლექციო ტოკენები, სახელწოდებით “Melania’s Vision”, რომლებზეც მისი თვალებია გამოსახული. მათი შექმნა საქველმოქმედო ინიციატივის ფარგლებში მოხდა, რომელმაც მთელს მსოფლიოში ბავშვების კეთილდღეობას უნდა შეუწყოს ხელი.

წყარო: https://bits.media/