მასკის განცხადებამ DOGE-ს კურსი გაზარდა

მასკის განცხადებამ DOGE-ს კურსი გაზარდა

DOGE-ს კურსი 10%-ით მას შემდეგ გაიზარდა, რაც ილონ მასკი McDonald’s-ში  Dogecoin-ით    გადახდის ინიციატივით გამოვიდა.

Tesla-ს აღმასრულებელმა დირექტორმა ილონ მასკმა Dogecoin-ის კურსზე გავლენა კიდევ ერთხელ მოახდინა. DOGE-ს ფასი 10%-ით მას შემდეგ გაიზარდა, რაც მასკმა McDonald’s-ის სწრაფი კვების ობიექტებს  Dogecoin-ით გადახდის მხარდაჭერა შესთავაზა.

Twitter-ზე გამოქვეყნებულ პოსტში ილონ მასკმა თქვა, რომ ის მზადაა Happy Meal პირდაპირ ეთერში მიირთვას, თუ McDonald’s-ის ქსელი Dogecoin-ით გადახდის შესაძლებლობას დაამატებს.

მასკის განცხადებას მაკდონალდსის წარმომადგენლებისგან პასუხი არ მოჰყოლია. მასკის განცხადებამდე DOGE-ს კურსი 0,1355$-ს შეადგენდა, განცხადების შემდეგ კი $0,146-ს მიაღწია.

აღსანიშნავია, რომ ამავდროულად, აღდგენა  კრიპტოვალუტის მთელმა ბაზარმა აჩვენა, თუმცა შედარებით უმნიშვნელოდ.

იმის შესახებ ინფორმაცია, რომ McDonald’s კრიპტოვალუტით გადახდების  შემოღებას აპირებს, მას შემდეგ გავრცელდა, რაც Dogecoin-ის შემქმნელმა ბილი მარკუსმა (Billy Markus) ტვიტერში დაწერა:

„მე მინდა კარტოფილი ფრი“ და სწრაფი კვების ქსელის თანამშრომელმა, რომელიც  Twitter-ის ანგარიშს მართავს, მარკუსს უპასუხა შიბა ინუს ძაღლის სურათით, რომელსაც კბილებში კარტოფილი უჭირავს.

დისკუსიის მიღმა არ დარჩენილა  სალვადორის პრეზიდენტი ნაიბ ბუკელე (Nayib Bukele), რომელმაც უფრო სერიოზული თემა წამოჭრა:

„გინდათ თვალთმაქცების ნახვა? შეხედეთ მათ, ვინც მხარს უჭერს პრეზიდენტს, რომელიც მზად არის დაიწყოს ომები თავისი რეიტინგის ასამაღლებლად, გაზარდოს საწვავის ფასები გლობალური ინფლაციის დროს.

ეს სიღარიბეში ცხოვრების საფრთხეს  ასობით მილიონ ადამიანს უქმნის. მაგრამ, აქ ჩვენ ვხედავთ მხოლოდ ხუმრობებს Dogecoin-ისა და McDonald’s-ის შესახებ.“

შეგახსენებთ, რომ იანვრის შუა რიცხვებში Tesla-მ  Dogecoin-ში გადახდის ფუნქცია დაამატა. მართალია, DOGE-ს მონეტებით ელექტრომობილის ყიდვას ჯერ ვერ შეძლებთ, სამაგიეროდ კომპანიის ონლაინ მაღაზიაში სხვადასხვა სუვენირებისშეძენა შეგიძლიათ.

წყარო: https://bits.media/