Robinhood ლისტინგში ახალ კრიპტოვალუტებს არ დაამატებს

Robinhood ლისტინგში ახალ კრიპტოვალუტებს არ დაამატებს

სავაჭრო პლატფორმა Robinhood-ის ფინანსური დირექტორის ჯეისონ უორნიკის განცხადებით, კომპანია ლისტინგში ახალი კრიპტოვალუტების  ჩამატებას მარეგულირებელი ორგანოების განცხადებების გამო არ გეგმავს.

Robinhood-ის ფინანსური დირექტორის ჯეისონ უორნიკის (Jason Warnick) შეხვედრა ჟურნალისტებთან მას შემდეგ მოხდა, რაც კომპანიამ თავისი 2021 წლის IVკვარტალის ფინანსური ანგარიში გამოაქვეყნა.

მარეგულირებლებმა Robinhood გააფრთხილეს, რომ მათ შეუძლიათ გარკვეული კრიპტოვალუტები არალიცენზირებული ფასიანი ქაღალდების რანგში განიხილონ.

„ჩვენ გვესმის ჩვენი მომხმარებლების და ვიცით, რომ მათ ჩვენს პლატფორმაზე ახალი კრიპტოვალუტების ნახვა სურთ “ – თქვა უორნიკმა.

ის სავარაუდოდ კრიპტოვალუტა Shiba Inu-ს გულისხმობდა, რომლის ლისტინგში ჩამატებასაც კრიპტოვალუტის საზოგადოება დიდი ხანია ითხოვს. პეტიციამ, რომელშიც Robinhood-ს  ამ კრიპტოვალუტის დამატებას სთხოვდნენ 550 000 ხელმოწერა შეაგროვა.

კომპანიამ ცოტა ხნის წინ გამოაცხადა, რომ პროგნოზირებული 370 მილიონი დოლარის ნაცვლად, მისი შემოსავალი  363 მილიონ დოლარამდე გაიზარდა.

კომპანიის აქციები ახლა დაახლოებით 10 დოლარად იყიდება. თუ შევადარებთ, რომ 2021 წლის შუა რიცხვებში, როდესაც კომპანია საჯარო გახდა, აქციები 82 დოლარად იყიდებოდა, Robinhood-ის საქმე მთლად კარგად ვერ მიდის.

უახლოეს თვეებში კომპანია ყურადღებას  პროდუქციის საერთაშორისო ასპარეზზე გაშვებაზე გაამახვილებს, თქვა ვარნიკმა.

ცოტა ხნის წინ, Robinhood-მა გამოუშვა საკუთარი საფულის ბეტა ვერსია. სრული ვერსიის გამოსვლა მარტში იგეგმება. 

წყარო: https://bits.media/