მოკლევადიანი ინვესტორები ბიტკოინებს ყიდიან

მოკლევადიანი ინვესტორები ბიტკოინებს ყიდიან

Glassnode-ის ანალიტიკოსების განცხადებით, ზოგიერთმა ინვესტორმა, ვინც თავის დროზე ბიტკოინი 69,000 დოლარად იყიდა, მონეტები გაყიდა და იზარალა.

ანალიტიკურმა კომპანიამ გამოაქვეყნა ანგარიში, სადაც ბიტკოინის ქსელში დაუხარჯავი ტრანზაქციების ფასების რეალური განაწილების (UTXO) ანალიზის შედეგებია მოცემული.

პარამეტრი მონეტის გადაადგილების დროისა და იმ მომენტში არსებული ბიტკოინის კურსის შედარების საშუალებას იძლევა.

რაც შესაბამისად, საშუალებას გაძლევთ განსაზღვროთ, რომელმა ინვესტორებმა გაყიდეს თავიანთი BTC მოგებით და რომლებმა იზარალეს.

მაგალითად, 2021 წლის 10 მაისისთვის, ტრეიდერების დიდმა ნაწილმა ბიტკოინები 54,000 – 60,000 დოლარად შეიძინა. მაგრამ როდესაც ბაზრის მასიური ვარდნა დაიწყო, ბევრმა იჩქარა და ისევ გაყიდა.

Glassnode-ის ანალიტიკოსებმა ამას „ბიტკოინის სუსტი ხელიდან ძლიერ ხელში“ გადასვლა უწოდეს – რაც იმას ნიშნავს, რომ  მოკლევადიანი ინვესტორები ბიტკოინებს გრძელვადიან ინვესტორებზე ყიდიან.

ნოემბერში ბიტკოინის კურსი კვლავ მაისის  მაჩვენებლებს დაუბრუნდა. ახალმა ინვესტორებმა ბიტკოინები ძირითადად 35,000, 47,000, 62,000 დოლარად შეიძინეს. იმ ტრეიდერების უმეტესობამ, ვინც ბიტკოინების ყიდვა მაის-ივლისში მოასწრო, აგვისტო-ნოემბერში ისინი მომგებიანად გაყიდა.

გასული წლის ნოემბრიდან ბიტკოინის კურსი კლებას განიცდის. თუმცა მონაცემები  35,000 – 60,000  დოლარად იყო შეძენილი.

„ეს ქცევა გვიჩვენებს ბაზარს, სადაც ფასისადმი არასენსიტიური ჰოლდერები დომინირებენ, რომლებსაც არ სურთ თავიანთი მონეტების გაყიდვა მაშინაც კი, თუ ისინი ზარალში არიან. რიგითი მყიდველების ბაზრიდან გადინება კი სულ უფრო მეტად ხდება, ახლა მათი წილი გაცილებით ნაკლებია, ვიდრე ეს 2021 წლის მაის-ივლისში იყო.“ – წერენ ანალიტიკოსები.

თებერვალში Glassnode-ის ანალიტიკოსებმა განაცხადეს, რომ ბაზარზე კვლავ „დათვური განწყობა“დომინირებს.

უკრაინაში მიმდინარე ომის ფონზე ბიტკოინის კურსი ჯერ 34,500 დოლარამდე დაეცა, რაღაც პერიოდში კი თითქმის 44,000 დოლარამდე გაიზარდა.