მასკი DOGE-ს მხარდაჭერით სოციალურ ქსელს შექმნის

მასკი DOGE-ს მხარდაჭერით სოციალურ ქსელს შექმნის

ილონ მასკი DOGE-ს მხარდაჭერით საკუთარი სოციალური ქსელის შექმნას გეგმავს.

Tesla-ს აღმასრულებელი დირექტორისა და დამფუძნებელის ილონ მასკის განცხადებით,  ის „სერიოზულად ფიქრობს“ ახალი, ღია კოდის მქონე სოციალური ქსელის შექმნაზე, რომელსაც DOGE-ს მხარდაჭერა ექნება.

ილონ მასკმა მის მიერ ჩატარებული გამოკითხვის შედეგები გამოაქვეყნა. მან თავის გამომწერებს სთხოვა ეპასუხათ, სჯერათ თუ არა მათ, რომ Twitter-ი „მტკიცედ ერთგულია“ პრინციპისა – „სიტყვის თავისუფლება აუცილებელია დემოკრატიის ფუნქციონირებისთვის“.

მან აღნიშნა, რომ ამ გამოკითხვის შედეგები ძალიან მნიშვნელოვანი იქნებოდა და ხმის მიცემას ყურადღებით განიხილავდნენ.

შედეგების მიხედვით, 2 მილიონზე მეტი რესპონდენტიდან 70%-მა კითხვაზე უარყოფითი პასუხი გასცა.

Twitter-ის მიერ სიტყვის თავისუფლების დაცვის პრობლემების განხილვისას, ერთ-ერთმა გამომწერმა მასკს ახალი სოციალური მედია პლატფორმის შექმნა შესთავაზა,

„ისეთის, რომელიც ღია კოდის ალგორითმზე იქნება დაფუძნებული, სადაც სიტყვის თავისუფლება უმთავრესი იქნება, ხოლო პროპაგანდა მინიმუმამდე იქნება დაყვანილი“.

მასკმა უპასუხა, რომ ის „ ამაზე სერიოზულად ფიქრობს“ და შესაძლოა ახალ პლატფორმას ჰქონდეს ფუნქციონალი, რომელიც მხარს  DOGE-ში ტრანზაქციებს დაუჭერს.

იანვარში ილონ მასკმა  Twitter-ი გააკრიტიკა და თქვა, რომ კომპანია NFT მხარდაჭერის განსახორციელებლად დეველოპერების რესურსებს „ფუჭად ხარჯავს“, მაშინ როცა პლატფორმას უფრო მნიშვნელოვანი პრობლემები აქვს.