Bitcoin და Ethereum 2023 წლისთვის გაორმაგდება

Bitcoin და Ethereum 2023 წლისთვის გაორმაგდება

Galaxy Digital: Bitcoin და Ethereum 2023 წლის მეორე ნახევარში გაორმაგდება.

კრიპტოვალუტის კომპანია Galaxy Digital-ის ხელმძღვანელობა დარწმუნებულია, რომ კორპორატიული ინვესტორების მხრიდან ჭკვიანი კონტრაქტების მიმართ მზარდი ინტერესის გამო, Ethereum მომავალში  ბიტკოინს გაუსწრებს.

Galaxy-ს თანათავმჯდომარემ ჯეისონ ურბანმა (Jason Urban) Kitco News-სთან ინტერვიუში განაცხადა, რომ ბიტკოინი და ეთერიუმი წინ სტაბილურად მიიწევენ და შესაძლოა 2023 წლის მეორე კვარტალში მათი ფასი 100%-ით გაიზარდოს.

„წლის დასაწყისში რომ გეკითხათ, გიპასუხებდით, რომ  ბიტკოინს 100 000 დოლარის, ხოლო ეთერიუმს 6500-7000 დოლარის დიაპაზონში ვხედავ. ვფიქრობ თუ არა, რომ კრიპტოვალუტებს ამ მხრივ წინააღმდეგობა შეხვდებათ? პოტენციურად კი.

ვფიქრობ თუ არა, რომ ამას მნიშვნელობა აქვს? არა!  მიმდინარე წლის ბოლოს თუ არა, მომდევნო წლის პირველ ან მეორე კვარტლში ეს მოხდება.

ვხედავ, რომ ამ ბაზარზე ინვესტორების დიდი რაოდენობა შემოდის. მათი წყალობით, ბაზარი აღმასვლას აგრძელებს“ – ამბობს ურბანი.

Galaxy Digital-ის დირექტორატის წევრი ფიქრობს, რომ Ethereum-ი, მისი გაფართოებული ფუნქციონალის გამო,  დროთა განმავლობაში ბიტკოინს გაუსწრებს. თუმცა, ეს უახლოეს მომავალში არ მოხდება.

 ბიზნესმენი დარწმუნებულია, რომ Ethereum-ის მიმართ ინსტიტუციური ინტერესი იმის გამო იზრდება, რომ მსხვილი ინვესტორები  ჭკვიანი კონტრაქტების სარგებელს აცნობიერებენ :

„ისინი პირველი დონის ბლოკჩეინისა და ჭკვიანი კონტრაქტების შესაძლებლობების გააზრებას იწყებენ. Ethereum-ი არის ის, რაც საჭიროა ახალი იდეებისთვის.

Ethereum-ი სპილენძი, ბიტკოინი კი ციფრული ოქროა.“ – ამბობს Galaxy Digital-ის თანახელმძღვანელი.

ანალოგიური მოსაზრება აქვს კრიპტოვალუტის ბირჟა BitMEX-ის  დამფუძნებელს არტურ ჰეისს (Arthur Hayes).

მან კრიპტოვალუტის ბაზარზე დაკვირვებით დაასკვნა, რომ ეთერიუმი 2022 წელს უფრო ხშირად იქნება გამოყენებული ვიდრე ბიტკოინი და ამ მიზეზით შეძლებს 10,000$-ს მიაღწიოს.