კონგრესმენმა კრიპტო ინდუსტრიის ცალკე რეგულირება მოითხოვა

კონგრესმენმა კრიპტო ინდუსტრიის ცალკე რეგულირება მოითხოვა

ამერიკელმა კონგრესმენმა კრიპტო ინდუსტრიისთვის ცალკე მარეგულირებლის შექმნა მოითხოვა.

წარმომადგენელთა პალატის წევრმა  აშშ-ს მარეგულირებლები წინდაუხედაობისა და კრიპტოვალუტის ინდუსტრიისადმი არასაკმარისი ყურადღების გამო გააკრიტიკა.

პატრიკ მაკჰენრიმ (Patrick McHenry) Punchbowl-თან ინტერვიუში  სასაქონლო ფიუჩერსების სავაჭრო კომისია (CFTC) და აშშ-ის ფასიანი ქაღალდებისა და ბირჟის კომისია (SEC) ციფრული აქტივების რეგულირების პოლიტიკისთვის გააკრიტიკა.

პოლიტიკოსი მიიჩნევს, რომ მთავრობამ კრიპტოვალუტების რეგულირებისთვის ცალკე ორგანიზაცია უნდა შექმნას და სპეციალური ფედერალური კანონმდებლობა შეიმუშაოს.

მისი აზრით, მარეგულირებელმა  კონკრეტული ციფრული აქტივის სწორად იდენტიფიცირება უნდა ისწავლოს.

მაკჰენრი დარწმუნებულია, რომ კრიპტოვალუტა არც საქონელია და არც ფასიანი ქაღალდი, ბიტკოინი კი ყველა კრიპტოვალუტის განსახიერებაა.

ამიტომ, ასეთ სწრაფად მზარდ ინდუსტრიას ისეთი მარეგულირებელი ორგანო სჭირდება, რომელიც SEC-ისა და CFTC-ისგან განსხვავებული იქნება. მიუხედავად ამისა, ციფრული აქტივების  საბოლოო დეფინიცია, პოლიტიკოსის აზრით, აშშ-ს კონგრესმა უნდა მოახდინოს.

ფედერალურ დონეზე რიგი კანონპროექტების არსებობის მიუხედავად, მაკჰენრის აზრით, ციფრული ვალუტების მომავალი ჯერ კიდევ გაურკვეველია.

ის მიიჩნევს, რომ SEC და CFTC-ისთვის ტრადიციული ფინანსური სექტორის რეგულირება უფრო მნიშვნელოვანია და სწორედ ამიტომ ვერ გააცნობიერეს მარეგულირებლებმა მაშინვე, რამდენად სწრაფად გაიზრდებოდა კრიპტო ინდუსტრია.

პოლიტიკოსის თქმით, ხელისუფლების წარმომადგენლებს ჯერ კიდევ არ აქვთ საკმარისი პოტენციალი კრიპტო ინდუსტრიის წარმატებით დასარეგულირებლად.