მაინინგ კომპანიების აქციები 50%-ით დაეცა

 მაინინგ კომპანიების აქციები  50%-ით დაეცა

Arcane Research: წლის დასაწყისიდან მაინინგ კომპანიების აქციები  50%-ით დაეცა

Arcane Research-ის ანალიტიკოსების აზრით, ბიტკოინის ბაზრის დაცემისა და ჰეშრეითის ზრდის ფონზე, მაინინგ კომპანიებმა BTC-ის მოპოვება შეამცირეს.

ანალიტიკოსი ჯარან მელერუდის (Jaran Mellerud) ტვიტერში გაკეთებული განცხადების თანახმად, საბაზრო კაპიტალიზაციის მიხედვით ტოპ ხუთი მაინინგ კომპანიის აქციები ეცემა – წლის დასაწყისიდან გიგანტების ზარალმა 50%-ზე მეტი შეადგინა. 

Arcane Research-ის ექსპერტის თქმით, ბიტკოინის ვოლატილობით ყველაზე დიდი ზიანი კომპანია Riot Blockchain-ს მიადგა. მისმა ზარალმა წლის დასაწყისიდან 65% შეადგინა.

კომპანიას არ ჩამორჩნენ კონკურენტები: Hut8-ის აქციები 63%-ით, ხოლო Marathon Digital Holdings 62%-ით დაეცა.

მაინერების დანაკარგის მიზეზად მელერუდს ის გარემოება ესახება, რომ მაინინგ კომპანიების უმეტესობა ბიტკოინებს ფლობს, რაც ნიშნავს, რომ BTC-ის ღირებულების ცვლილება მათზე პირდაპირ აისახება.

Arcane Research-ის ანალიტიკოსი ამბობდა, რომ  მაინინგ კომპანიების შემოსავლის შემცირება ბიტკოინის დაცემამ გამოიწვია და შესაძლოა გლობალური ჰეშრეითის დაცემაც გამოეწვია.

თუმცა, ეს არ მოხდა. პირიქით, 2022 წელს ბიტკოინის ჰეშრეიტმა ახალ ისტორიულ მაქსიმუმს მიაღწია.

მელერუდი მიიჩნევს, რომ BTC-ის დაცემისა და გლობალური ჰეშრეითის ზრდის გამო კომპანიები იძულებული გახდნენ ნაკლები ბიტკოინი მოეპოვებინათ.

„ამ კომპანიების უმეტესობამ ჰეშრეიტი ისე სწრაფად არ გაზარდა, როგორც ამას ინვესტორები იმედოვნებდნენ. ამიტომ შესაძლოა,

ინვესტორების მხრიდან ამ კომპანიების ზრდასთან დაკავშირებული მოლოდინები უფრო კონსერვატიული გახდა.“

მაისში, ამერიკულმა მაინინგმა კომპანიამ Marathon Digital 2022 წლის პირველ კვარტალში შემოსავლების ზრდა დააფიქსირა. თუმცა, განვითარებაში ჩადებულმა მასშტაბურმა ინვესტიციებმა და BTC-ის კურსის ვარდნამ 13 მილიონი დოლარის ზარალი გამოიწვია.

ამავდროულად, Arcane Research-მა მარტში განაცხადა, რომ მსხვილი მაინინგ კომპანიების მხრიდან ბიტკოინის დაგროვების მაჩვენებელი საგრძნობლად გაიზარდა. აპრილში, ამერიკულმა მაინინგ კომპანია Riot Blockchain-მა ტეხასის შტატის ნავაროს ოლქში მასიური გაფართოების გეგმების შესახებ გამოაცხადა.