Robinhood ახალ საფულეს აამოქმედებს

Robinhood ახალ საფულეს აამოქმედებს

Robinhood  DeFi და NFT-სთან სამუშაოდ ახალ საფულეს შექმნის 

პოპულარულმა სავაჭრო პლატფორმამ Robinhood  DeFi პროექტებთან და საკოლექციო ტოკენებთან მუშაობისთვის ახალი არაკასტოდიალური საფულის ამოქმედების მოახლოების შესახებ გამოაცხადა.

პრესრელიზის მიხედვით, ახალი საფულე „მომხმარებლებს აქტივებზე პირდაპირი კონტროლისა და დეცენტრალიზებულ ინტერნეტზე წვდომის შესაძლებლობას მისცემს.“

სინამდვილეში, Robinhood ყველაზე პოპულარული კრიპტოვალუტის საფულის MetaMask-ის ანალოგს ამზადებს. თუმცა, დეველოპერების დაპირება აპლიკაციის მოსახერხებელი და თანამედროვე დიზაინია, რომელიც DeFi პროექტებთან გამკლავების შესაძლებლობას დამწყებ მომხმარებლებსაც მისცემს.

საფულის ამოქმედება წლის ბოლომდე იგეგმება და ეს იქნება ცალკე აპლიკაცია, რომელიც  მთავარ პლატფორმასთან არ იქნება დაკავშირებული.

„Robinhood-ში გვჯერა, რომ კრიპტოვალუტები ბევრად მეტია, ვიდრე უბრალოდ აქტივების კლასი. DeFi შესაძლოა ფინანსური სერვისების მომავლისთვის ოპერაციული სისტემა გახდეს. ჩვენ გვინდა  ხალხს წვდომა მივცეთ იმ შესაძლებლობების სრულ სპექტრზე, რომელსაც ეს რევოლუციური ტექნოლოგიები იძლევა.

ახალი საფულე დააკმაყოფილებს როგორც DeFi-ის მომხმარებელთაგან ყველაზე მოწინავე წევრებს, ასევე იქნება უსაფრთხო გზამკვლევი მათთვის, ვინც კრიპტოვალუტის სფეროს ახლა ეცნობა.“- განაცხადა Robinhood-ის თანადამფუძნებელმა და აღმასრულებელმა დირექტორმ ვლად ტენევმა.

მომხმარებელთა მოსაზიდად კომპანია ტოკენების გაცვლის საფასურის შემცირებას აპირებს.

ამის გაკეთებას ის მესამე მხარის ლიკვიდობის პროვაიდერების დახმარებით გეგმავს. გარდა ამისა, Robinhood   პროდუქტიდან მოგების მიღებასარ აპირებს, ყოველ შემთხვევაში, უახლოეს პერსპექტივაში.

კომპანია ასევე სრულფასოვანი საგანმანათლებლო მასალების გამოშვებას გეგმავს , რომლებიც დამწყებებსაც კი საშუალებას მისცემთ გაიგონ კრიპტოვალუტების, NFT-ისა და DeFi-ის თემა გაიგონ.

აპლიკაციაში იქნება სხვადასხვა გაფრთხილებები, რომლებიც შესაძლოა მომხმარებლებს  სარისკო ტრანზაქციებისა და ინვესტიციებისგან თავის არიდებაში დაეხმაროს.

 კრიპტოვალუტის ბირჟა FTX -ის დამფუძნებელმა, სემ ბანკმენ-ფრიდმა ცოტა ხნის წინ Robinhood-ის წილი შეიძინა, რის შემდეგაც ფინანსური პლატფორმის აქციები თითქმის 30%-ით გაიზარდა. გარიგებამ 650 მილიონი დოლარი შეადგინა.