არგენტინის სკოლებში ბიტკოინის შესახებ გაკვეთილები ჩატარდება

არგენტინის სკოლებში ბიტკოინის შესახებ გაკვეთილები ჩატარდება

 ორგანიზაცია Bitcoin Argentina, მოსწავლეების ფინანსური ცოდნის გაუმჯობესების მიზნით, არგენტინის საშუალო სკოლებში ბიტკოინისა და კრიპტოვალუტის გაკვეთილების შემოღების ინიციატივით გამოვიდა. 

ორგანიზაცია Bitcoin Argentina იწყებს პროექტს სახელწოდებით „სკოლები და ბიტკოინი“, რომლის ფარგლებშიც, ქვეყნის საგანმანათლებლო დაწესებულებები ბიტკოინის შესახებ სასწავლო სემინარებს ჩაატარებენ.

პროექტი  ჰუმანიტარული ინიციატივა „Built with Bitcoin“ მხარდაჭერით ხორციელდება. პროექტის ფარგლებში, უფროსკლასელები ახალი ალტერნატიული ფინანსური სისტემის შესაძლებლობების შესახებ შეიტყობენ. მათ საშუალება მიეცემათ ბიტკოინის ქსელის მუშაობის ძირითად პრინცებს გაეცნონ, ასევე შეიტყონ, რით განსხვავდება ბიტკოინი ტრდიციული ფინანსებისგან.

Bitcoin Argentina-ს ხელმძღვანელის, ხიმენა ვალონეს  (Jimena Vallone) თქმით, მსგავი საპილოტე პროექტი ქვეყანაში ადრე უკვე ჩატარდა. არგენტინელმა სკოლის მოსწავლეებმა  ბიტკოინისა და ბლოკჩეინის ტექნოლოგიის შესწავლისას დიდი ენთუზიაზმი გამოიჩინეს.

მისი თქმით, ეს „საწყისი წერტილი“  იყო, რათა პროექტი 40 სკოლამდე გაფართოვდეს და დროთა განმავლობაში მათი რიცხვი გაიზრდება. ტრენინგ-სემინარებში მონაწილეობის მიღებას 4000-ზე მეტი საშუალო სკოლის მოსწავლე შეძლებს.

გაკვეთილები და მათი შინაარსი თითოეული სკოლისა და რეგიონისთვის იქნება ადაპტირებული.

არგენტინა ლათინურ ამერიკაში კრიპტოვალუტის მიღების ყველაზე მაღალი მაჩვენებლის მქონე ქვეყანად ითვლება. ეს ინფლაციის მაღალი დონის გამო მოქალაქეების კრიპტოვალუტებით ვაჭრობაში

მაღალი ჩართულობით არის გამოწვეული. Deel-ის თებერვლის მონაცემებით, არგენტინაში სულ უფრო მეტი ფრილანსერი ბანაზღაურებას ბიტკოინში იღებს.

თვის დასაწყისში არგენტინის უმსხვილესმა ბანკებმა, Banco Galicia-მ და Brubank-მა თავიანთ კლიენტებს კრიპტოვალუტებით ვაჭრობის შესაძლებლობა მისცეს.

თუმცა მოგვიანებით, არგენტინის ცენტრალურმა ბანკმა ფინანსური ინსტიტუტები გააფრთხილა,  ციფრულ აქტივებთან ურთიერთობას მათი მაღალი ვოლატილობის გამო მორიდებოდნენ.