MoneyGram სტეიბლკოინების გადარიცხვის სერვისს დაამატებს
ფულადი გადარიცხვების კომპანია MoneyGram ახალი სერვისის ამოქმედებას გეგმავს, რომელიც მომხმარებელს საშუალებას მისცემს საზღვარგარეთ ფულადი გზავნილები სტეიბლკოინებში განახორციელოს.
როგორც Bloomberg-ი იტყობინება, კომპანიამ პარტნიორობა გააფორმა ბლოკჩეინ Stellar-ის (XLM) დეველოპერ კომპანია Stellar Development-თან, რომელიც ტრანსსასაზღვრო გადარიცხვებზე არის ორიენტირებული.
კომპანიის აღმასრულებელი დირექტორის, ალექს ჰოლმსის (Alex Holmes) განცხადებით, დღეს კრიპტოვალუტებისა და ფიატური ფულის სამყაროები შეუთავსებელია, მაგრამ მის კომპანიას მათ შორის ერთგვარი ხიდის ფუნქციის შესრულების ცდა სურს. ჰოლმსის თქმით, ციფრული აქტივების ბაზრებზე ამჟამად არსებული ყველა გაურკვევლობის მიუხედავად, MoneyGram-ს კრიპტოვალუტების მომავლის სჯერა :
„ძლიერი ვოლატილობისა და ზოგიერთი ტრეიდერის წასვლის მიუხედავად, ვფიქრობ, რომ კრიპტოვალუტები ჩვენთან დიდხანს დარჩება. ძალიან მნიშვნელოვანია მათი მიღება და დანერგვის ხელშეწყობა.“
MoneyGram-ისა და Stellar-ის პარტნიორობის შესახებ პირველად გასული წლის ოქტომბერში გახდა ცნობილი. Stellar-თან მუშაობამდე კომპანია ფულადი გადარიცხვების ქსელ Ripple Labs-თან თანამშრომლობდა. თუმცა, მას შემდეგ, რაც აშშ-ის ფასიანი ქაღალდებისა და ბირჟების კომისიამ (SEC) Ripple XPR ტოკენების უკანონო გაყიდვაში დაადანაშაულა და მის წინააღმდეგ სარჩელი შეიტანა, საჩივარი MoneyGram-ზეც შევიდა. ამის შემდეგ კომპანიამ Ripple-თან თანამშრომლობა შეწყვიტა.
მანამდე Stellar-მა და MoneyGram-მა ლათინური ამერიკის ფინტექ სტარტაპების მხარდასაჭერად გლობალურ ოპერაციულ ინვესტორ Techstars-თან ერთობლივი თანამშრომლობის შესახებ გამოაცხადეს.
- გამოგვეყვით ტელეგრამზე t.me/cryptonewsgeorgia
- დაემატეთ ჩვენს ჯგუფში Fb.me/groups/cryptonewsgeorgia
Comments (No)