OpenSea რუს მომხმარებლებს ბლოკავს

OpenSea რუს მომხმარებლებს ბლოკავს

NFT სავაჭრო პლატფორმამ OpenSea  რუსი მომხმარებლების ანგარიშების დაბლოკვა და წაშლა გაფრთხილებისა და დამატებითი ახსნა-განმარტების გარეშე დაიწყო.

წვდომის შეზღუდვის სახით დაბლოკვის პირველი შემთხვევები დაახლოებით ორი თვის წინ დაფიქსირდა.

რუსი  მომხმარებლების განცხადებით, როდესაც  ისინი  OpenSea-ს დაუკავშირდნენ, მიიღეს პასუხი, რომ რესურსი დროებით, ტექნიკური მიზეზების გამოა მიუწვდომელი. თუმცა, აპრილის შუა რიცხვებიდან OpenSea-მ რუსეთიდან მომხმარებელთა ანგარიშების სრული დაბლოკვა დაიწყო.

„თქვენი ანგარიში ბლოკირებულია, რადგან ის  ჩვენი მომსახურების პირობებს ეწინააღმდეგება. ეს ნიშნავს, რომ თქვენ აღარ გექნებათ წვდომა თქვენს OpenSea ანგარიშზე.

თქვენი კოლექციები და ამ კოლექციებიდან ნებისმიერი ელემენტი ამოღებულია სიიდან და სხვა მომხმარებლებისთვის მიუწვდომელი იქნება .“- განუცხადა OpenSea-მ დაბლოკილ მომხმარებლებს.

ამავდროულად, OpenSea-სთან API-ით დაკავშირებული საფულეები არ იხსნებოდა.

იმ შემთხვევაში, როცა მომხმარებლები ტექნიკურ მხარდაჭერას უკავშირდებოდნენ, პლატფორმა შემდეგი განმარტებით შემოიფარგლებოდა: „ანგარიში დაიბლოკა მომსახურების პირობების დარღვევის გამო.“ 

 ანგარიშების დაბლოკვის  მსგავსი ღონისძიებები OpenSea-მ მიმდინარე წლის მარტში ირანის მოქალაქეების მიმართაც განახორციელა. პლატფორმის წარმომადგენლებმა დაადასტურეს, რომ  მომხმარებლები ირანისთვის დაწესებული სანქციების გამო დაბლოკეს.

„OpenSea აშშ-ს სანქციების სიაში შესულ  მომხმარებლებსა და ტერიტორიებს ბლოკავს. ისინი ჩვენი სერვისებით ვერ ისარგებლებენ. მათ შორის, ვერ შეძლებენ OpenSea-ს მეშვეობით NFT-ების ყიდვას, გაყიდვას ან გადაცემას. თუ აღმოვაჩენთ, რომ ცალკეული პირები ჩვენი სანქციების წესებს არღვევენ, ჩვენ ამ ანგარიშების დასაბლოკად ზომებს 

 დაუყოვნებლივ მივიღებთ. “ – ნათქვამია OpenSea-ს განცხადებაში.