Binance ის მეშვეობით მილიარდები გაათეთრეს

Binance ის მეშვეობით მილიარდები გაათეთრეს

საინფორმაციო სააგენტო Reuters-მა ბოლო ხუთი წლის განმავლობაში მსოფლიოში უდიდესი კრიპტო ბირჟის საქმიანობის შესახებ გამოძიების შედეგები გამოაქვეყნა.

საგამოძიებო ანგარიშის თანახმად, 2017- 2021წ პერიოდში Binance-ის მეშვეობით მინიმუმ 2,35 მილიარდი აშშ დოლარის უკანონო თანხები გათეთრდა.

ამ თანხების გადაადგილების თვალყურის სადევნებლად სააგენტომ ჩაატარა სასამართლო ჩანაწერების ანალიზი,

დაუკავშირდა სამართალდამცავ ორგანოებს და ასევე მუშაობდა ბლოკჩეინის ანალიზის კომპანიებთან, როგორიცაა Chainalysis და Crystal Blockchain.

სტატიის ავტორი ერთმანეთთან რამდენიმე მნიშვნელოვან მოვლენას აკავშირებს : სლოვაკური კრიპტო ბირჟის Eterbase-ის გატეხვას, დარკნეტში Hydra-ს სავაჭრო პლატფორმაზე განხორციელებულ ოპერაციებს და ჩრდილოეთ კორეის ჰაკერების ჯგუფის Lazarus-ის საქმიანობას.

ავტორის თქმით, ყველა ამ მოვლენის დროს კრიპტოვალუტებით სხვადასხვა ტრანზაქციის გასაადვილებლად Binance-ით ისარგებლეს.

ანგარიშის თანახმად, 2020 წლის სექტემბერში, ბოროტმოქმედებმა  Lazarus-იდან  კრიპტო ბირჟაზე ანონიმური ანგარიშები შექმნეს და  ისინი სლოვაკური Eterbase-დან მოპარული 5,4 მილიონი დოლარის გასათეთრებლად გამოიყენეს.

Eterbase-ის თანადამფუძნებელის განცხადებით, Binance-ს წარმოდგენა არ ჰქონდა, ვინ რიცხავდა ფულს.

ამავდროულად, Reuters-თან გაზიარებული ელ.წერილში ჩანს, 

რომ სამართალდამცავების მოთხოვნის გარეშე კრიპტო ბირჟამ  ანგარიშების შესახებ ინფორმაციის ან მონაცემების გაზიარებაზე უარი განაცხადა.

ბოლოს და ბოლოს Eterbase  დაიხურა და გაკოტრების შესახებ გააკეთა განცხადება.

რაც შეეხება ცნობილ აკრძალული ნაწარმით მოვაჭრე  საიტ Hydra-ს, სტატიაში ნათქვამია, რომ საიტმა ბირჟა Binance ჯამში 780 მილიონი დოლარის ნარკოტიკების შესაძენად ანგარიშსწორებისთვის გამოიყენა.

Binance-ის საზოგადოებასთან ურთიერთობის დირექტორის, პატრიკ ჰილმანის (Patrick Hillman)თქმით, მითითებული თანხები არაზუსტი და მეტიც, ავტორების მიერ გაზვიადებულია .