ბიტკოინის დაცემის გამო MicroStrategy-მ 1.2 მილიარდი დაკაგა

ბიტკოინის დაცემის გამო MicroStrategy-მ 1.2 მილიარდი დაკაგა

კრიპტო ბაზარზე ფასის დაცემის შედეგად კომპანია MicroStrategy, რომელიც ინვესტიციას  პირველ კრიპტოვალუტაში ახორციელებს, უზარმაზარ ზარალს ითვლის. თუმცა, მენეჯმენტი ამას დროებით ფენომენად მიიჩნევს.

კაპიტალიზაციის მიხედვით მსოფლიოში ყველაზე დიდი კრიპტოვალუტის –  ბიტკოინის კურსმა, ოთხშაბათს, 15 ივნისს, 18 თვის განმავლობაში ახალი მინიმუმი 20,181 აშშ დოლარი დააფიქსირა.

კრიპტოკრედიტორ Celsius-ის მიერ მომხმრებლებისთვის თანხების გამოტანისა და ოპერაციების შეჩერების ფონზე, ამან „მცირე კრიპტოვალუტებისა“ და მთლიანად ბაზრის დაცემა გამოიწვია.

2021 წლის ნოემბერში 69,000 აშშ დოლარის ისტორიული მაქსიმუმის შემდეგ BTC დაახლოებით 70%-ით დაეცა.

CoinMarketCap-ის მონაცემების მიხედვით,  გლობალური კრიპტო ბაზრის მოცულობა გასული წლის ნოემბრის შემდეგ სამჯერ შემცირდა და 2,97 ტრილიონი დოლარის პიკიდან 887 მილიარდ დოლარზე ქვემოთ ჩამოვიდა.

 BTC-ის კურსის დაცემით ყველაზე მეტად მაიკლ სეილორის (Michael Saylor) კომპანია MicroStrategy დაზარალდა.

აქტივების გაუფასურებამ მინიმუმ $1.2 მილიარდი შეადგინა. MicroStrategy 129,218 ბიტკოინს ფლობს, რომელთაგან 4,827 2022 წლის პირველ კვარტალში შეიძინა. შენაძენის ფასების დიაპაზონი 30,700$-დან 44,645$-მდე მერყეობდა.

შედარებისთვის, Tesla 43,200 BTC-ს ფლობს, რომელთა ღირებულება დაახლოებით $1.7 მილიარდია.

2022 წლის 14 აპრილს MicroStrategy-ის  მიერ აშშ-ს მარეგულირებელ ორგანოებში წარდგენილ ოფიციალურ მოხსენებაში, სეილორმა  კომპანიის სტრატეგია წარმატებულად შეაფასა და განაცხადა,

რომ ბიტკოინის შეძენის პოლიტიკა სწორი აღმოჩნდა.

 თავად ბიზნესმენი MicroStrategy-ის აქციების საკონტროლო წილს –  68,1%-ს ფლობს.

ცოტა ხნის წინ მაიკლ სეილორმა განცხადება გააკეთა და ხაზგასმით აღნიშნა, რომ მის კომპანიას არაფერი ემუქრება და როდესაც MicroStrategy-მ ფსონი ბიტკოინზე დადო, კომპანიის ხელმძღვანელობამ კრიპტო ბაზრის არასტაბილურობა და ბაზრის ტურბულენტობის გავლენა გაითვალისწინა.