Coinbase ევროპაში გაფართოებას გეგმავს

Coinbase ევროპაში გაფართოებას გეგმავს

 კრიპტოვალუტის ბირჟა Coinbase-ის განცხადებით, ის კრიპტობაზრის კრახისა და კომპანიაში განხორციელებული შემცირებების მიუხედავად, ევროპაში დამკვიდრებისთვის ყველა ღონეს იხმარს.

Coinbase-მა განაცხადა, რომ ევროკავშირის მიერ დადგენილი ინდუსტრიის მარეგულირებელი სტანდარტები  სხვა ქვეყნებსა და იურისდიქციებს ახალ იმპულსს მისცემს და ინდუსტრიის წესების დარეგულირებისკენ უბიძგებთ.

ამჟამად Coinbase-ის ოფისები გერმანიაში, დიდ ბრიტანეთში და ირლანდიაშია განლაგებული. სამომავლოდ კომპანია ახალი ოფისების გასახსნელად ნიდერლანდებში, საფრანგეთში, ესპანეთსა და იტალიაში ემზადება.

„ბაზრის კრახის დროს, შესაძლოა  საერთაშორისო ექსპანსიისგან თავის არიდების ცდუნება გაგიჩნდეს.

ჩვენ დიდ ბრიტანეთსა და ევროკავშირში საქმიანობა პირველად  2015 წლის დათვების ბაზრის დროს დავიწყეთ და ამ ნაბიჯმა გაამართლა, როდესაც  რამდენიმე წლის შემდეგ აღმავლობა დაიწყო.

ჩვენ გაფართოებას მთელს მსოფლიოში გავაგრძელებთ და  კრიპტო ეკონომიკის განვითარებისთვის ყველაფერს გავაკეთებთ”- ნათქვამია განცხადებაში.

Coinbase-ის აღმასრულებელი დირექტორი ბრაიან არმსტრონგი (Brian Armstrong) ლონდონსა და დუბლინში პოლიტიკოსებთან შეხვედრას გეგმავს.

ბირჟა ასევე ვენჩურული კაპიტალის კომპანია Coinbase Ventures-ის მეშვეობით კრიპტო ეკოსისტემის განვითარებაში ინვესტირებას გეგმავს.

ფირმამ ინვესტიცია დიდი ბრიტანეთის რამდენიმე ფინტექ კომპანიაში  უკვე განახორციელა, მათ შორისაა დაკრედიტების პროტოკოლი Euler და ქროსჩეინ პროტოკოლი Qredo.