ოქრო და ბიტკოინი საინვესტიციო პორტფელის საფუძველი გახდება

ოქრო და ბიტკოინი საინვესტიციო პორტფელის საფუძველი გახდება

საინვესტიციო კომპანია ByteTree-ის აღმასრულებელი დირექტორი ოქროსა და ბიტკოინს ეკონომიკური არასტაბილურობის დროს საუკეთესო დაზღვევად მიიჩნევს.

მაგრამ დარწმუნებულია, რომ ძალიან ბევრი რამ აშშ-ს ფედერალურ რეზერვსა და ცენტრალური ბანკების პოლიტიკაზეა დამოკიდებული.

2014 წელს დაარსებული ByteTree საინვესტიციო გადაწყვეტილებებს უზრუნველყოფს. ასევე ციფრული აქტივების ბაზრისთვის როგორც ინსტიტუციური კლასის კრიპტო აქტივების შესახებ, ისე ოქროსა და ვერცხლის შესახებ მონაცემებს აგროვებს.

ჩარლი ერითის (Charlie Erith) განცხადებით, ByteTree დარწმუნებულია, რომ ბიტკოინი და ოქრო საინვესტიციო პორტფელის მნიშვნელოვანი კომპონენტები მრავალი წლის განმავლობაში იქნებიან.

არა იმიტომ, რომ მათი ფასი გარანტირებულად გაიზრდება, არამედ იმიტომ, რომ ინფლაციის ეპოქაში ისინი დაზღვევის ფუნქციას ასრულებენ.

ექსპერტის აზრით, ორივე აქტივი ერთმანეთს სრულყოფილად ავსებს, რაც დაცულობის განცდას როგორც ტრადიციულ ფინანსურ სისტემაში, ასევე ახალ ციფრულ სისტემაში იძლევა.

ერითის თქმით, ამჟამად თვალსაჩინოა ინფლაციის გარკვეული შენელება, მაგრამ ბრძოლა ჯერ მოგებული არ არის.

მისი აზრით, ნებისმიერი ნიშანი იმისა, რომ ინფლაცია კონტროლს დაექვემდებარა, მასზე გამარჯვებად იქნება აღქმული, რასაც მარეგულირებლების მხრიდან პოლიტიკის შერბილება და ინფლაციის კვლავ დაწყება მოჰყვება.

„ერთის მხრივ, თუ პოლიტიკოსები მარეგულირებელ ზომებს შეასუსტებენ, ინფლაცია კვლავ გაჩაღდება.

მეორეს მხრივ, ფედერალური რეზერვი და სხვა ცენტრალური ბანკები თავს არწმუნებენ, რომ ბრძოლა მოგებულია და ფინანსური ნაკადების მიმართულებას ცვლიან, რის შემდეგაც  ინფლაცია ისევ იწყება.“

კრიპტოვალუტის ანალიტიკოსის ბენჯამინ კოუენის (Benjamin Cowen) მოსაზრებით კი, ბიტკოინის კურსი საფონდო ბაზარსა და ინფლაციასთან პირდაპირ კავშირშია და ვარდნას მანამდე განაგრძობს, სანამ ინფლაცია არ შესუსტდება.