კრიპტოვალუტის მომხმარებელთა რაოდენობა 50%-ით შემცირდა

კრიპტოვალუტის მომხმარებელთა რაოდენობა 50%-ით შემცირდა

Bank Of America-ს მონაცემებით, გასული წლის ნოემბრის პიკთან შედარებით აქტიურ კრიპტო მომხმარებელთა რაოდენობა 50%-ზე მეტით შემცირდა.

ამერიკულმა ფინანსურმა კონგლომერატმა Bank Of America-მ გამოაქვეყნა ანგარიში,

რომელის მიხედვითაც კრიპტოვალუტების აქტიური მომხმარებლების რაოდენობა გასული წლის ნოემბერში დაახლოებით 1 მილიონიდან დღეს 500 000-მდე შემცირდა.

შემცირდა კრიპტოვალუტის იმ მომხმარებელთა რაოდენობაც, რომლებმაც კრიპტო ტრანზაქციები პირველად განახორციელეს.

მაისში ბანკს ასეთი დაახლოებით 33 000 მომხმარებელი ჰყავდა,  რაც გასული წლის ოქტომბერთან შედარებით, როცა ეს მაჩვენებელი 267 000 მომხმარებელს შეადგენდა, 87%-ით ნაკლებია.

„ჩვენი მონაცემებით,  კრიპტო პლატფორმებიდან მკვეთრად შემცირდა  გადინება და შემოდინებას გაუტოლდა, რაც იმაზე მიუთითებს, რომ მომხმარებლები კრიპტო ინვესტიციებს ამცირებენ.

დოლარის შემთხვევაში გადინებამ 2021 წლის ბოლოს 2,9 მილიარდი აშშ დოლარიდან 2022 წლის მაისში 1 მილიარდი დოლარის პიკს მიაღწია.“

ამავდროულად, Bank Of America-მ აღნიშნა, რომ მომხმარებელთა ციფრული აქტივების მიმართ ინტერესი ჯერ კიდევ საკმაოდ მაღალია :

კრიპტოვალუტის პლატფორმებს ახალი მომხმარებლები ემატება, თუმცა არა ისეთივე ტემპით, როგორც გასულ შემოდგომაზე.

მანამდე ბანკის ანალიტიკოსმა ჯეისონ კუპფერბერგმა (Jason Kupferberg) კომპანიის მიერ ჩატარებული გამოკითხვის შედეგებზე ისაუბრა, რომლის მიხედვითაც ამერიკელების თითქმის 90% უახლოეს მომავალში კრიპტოვალუტის შეძენას აპირებს.