კრიპტოინვესტორების 70%-ს იმედი აქვს რომ მილიარდერი გახდება

კრიპტოინვესტორების 70%-ს იმედი აქვს რომ მილიარდერი გახდება

Harris Poll-ის მიერ ჩატარებული კვლევის თანახმად, კრიპტოვალუტებში ინვესტიციების მქონე რესპონდენტთა 70%-ის აზრით, ტრადიციულ ინვესტორებთან შედარებით კრიპტო ინვესტორებს მილიარდერებად გახდომის გაცილებით მეტი შანსი აქვთ 

Harris Poll-ის სპეციალისტებმა გამოკითხვა აშშ-ს მაცხოვრებელთა ყველა ასაკობრივ ჯგუფში ჩაატარეს. იმ რესპონდენტებს შორის, რომლებიც აცხადებდნენ, რომ კრიპტოვალუტებს მათთვის მილიარდების მოტანა შეუძლიათ ძირითადად მილენიალები და Z თაობის წარმომადგენლები იყვნენ.

ათი ზრდასრული ამერიკელიდან ექვსს (60%) სურს ერთ დღეს მილიარდერი გახდეს, 40%-ის განცხადებით კი, მათ უბრალოდ სძულთ მდიდარი ადამიანები.

ამასთან, გამოკითხულთა 60% მილიარდერებს საზოგადოებისთვის სასარგებლოდ მიიჩნევს.

ამერიკელთა ორი მესამედი კი ეკონომიკურ უთანასწორობას სერიოზულ პრობლემად მიიჩნევს.

გამოკითხულთა კიდევ 44% თვლის, რომ მილიარდერები უბრალო ადამიანებისთვის „ამერიკული ოცნების“ ასრულებას ართულებენ.

გამოკითხულთა იგივე რაოდენობის აზრით (44%) ამერიკელებს მილიარდერობისთვის  ყველა საჭირო ინსტრუმენტი აქვთ და ასეთი ერთ-ერთი მთავარი ინსტრუმენტი კრიპტოვალუტაა.

ანალიტიკოსები ხაზგასმით აღნიშნავენ, რომ ამერიკელი ახალგაზრდები ტრადიციული ფინანსური ინსტრუმენტების მიმართ უნდობლობით გამოირჩევიან, ციფრული ვალუტები კი, პირიქით, მათთვის სულ უფრო და უფრო მიმზიდველი ხდება.

ამავე დროს, უმსხვილესი საინვესტიციო ბანკის JPMorgan სტრატეგმა, ინვესტორებს კრიპტოვალუტებისგან თავის დაღწევა და ინვესტიციის აქციებში განხორციელება ურჩია.