Samsung კრიპტო ინდუსტრიაში ყველაზე აქტიური ინვესტორია

Samsung კრიპტო ინდუსტრიაში ყველაზე აქტიური ინვესტორია

 Blockdata-ს კვლევის თანახმად, გასული წლის განმავლობაში კრიპტო სტარტაპებში დაბანდებული თანხების ჯამურმა ოდენობამ დაახლოებით 6 მილიარდი დოლარი შეადგინა.

ინდუსტრიაში ყველაზე აქტიური ინვესტორი კი კომპანია Samsung გახდა.

ამჟამად Samsung-ს კრიპტოვალუტებთან და ბლოკჩეინთან დაკავშირებული 13 პროექტი აქვს, რომლებშიც კომპანიამ 979 მილიონი აშშ დოლარის ინვესტიცია ჩადო.

მეორე ადგილზეა სინგაპურის სიდიდით მესამე ბანკი United Overseas Bank, რომელმაც ინვესტიცია 7 კრიპტო კომპანიაში განახორციელა.

მას მოსდევს ერთ-ერთი უმსხვილესი საერთაშორისო ფინანსური კონგლომერატი Citigroup 6 პროექტით და საინვესტიციო ბანკი Goldman Sachs ,

რომელმაც ინვესტიცია ხუთ კრიპტო კომპანიაში მოახდინა.

ტოპ ოთხეულმა – Samsung-მა, United Overseas Bank-მა, Citigroup-მა და Goldman Sachs-მა – წლის განმავლობაში ინვესტიცია განახორციელა იმ 65 სტარტაპიდან 31-ში, რომლებმაც კაპიტალი ტოპ 40 კომპანიიდან მოიზიდეს.

მიუხედავად იმისა, რომ არ არსებობს მონაცემები ინვესტიციების მთლიანი ოდენობის შესახებ, ანალიტიკოსების შეფასებით, 40-მა კომპანიამ კრიპტოვალუტის სტარტაპებში დაახლოებით 6 მილიარდი დოლარის ინვესტიცია მოახდინა.

ჩამონათვალში შესულ კომპანიებს შორისაა ერთ-ერთი უმსხვილესი საინვესტიციო ფირმა Blackrock, Google-ის დედა კომპანია Alphabet და ფინანსური კონგლომერატი Morgan Stanley.

მათ ბევრი პროექტი არ აქვთ, მაგრამ ფინანსირების მოზიდვის ყველაზე დიდ რაუნდებში მიიღეს მონაწილეობა.

Alphabet-მა 4 რაუნდში მონაწილეობის შედეგად ჯამში 1.51 მილიარდი შეაგროცა, Blackrock-მა სამ რაუნდში 1,17 მილიარდი დოლარი და Morgan Stanley-მ ორ რაუნდში 1,1 მილიარდი დოლარი.

ცნობილი გახდა, რომ Samsung  საკუთარი კრიპტოვალუტის ბირჟის გახსნას განიხილავს. სამხრეთ კორეული კომპანია ამჟამად ბაზრის კვლევას ატარებს.